18.03.2019 / 21:07

У Каракасе зноў знікла святло

У энергасістэме Венесуэлы адбыўся новы збой. Электрычнасці няма ў некалькіх раёнах Каракаса і населеных пунктах побач з ім, паведамляюць El nacional і El universal са спасылкай на мясцовых жыхароў.

Па папярэдніх дадзеных, на электрычнай падстанцыі з прамысловай зоны Кларыс дэ Гуарэнас у штаце Міранда падарваліся трансфарматары.

Афіцыйна мясцовыя ўлады пакуль што не пацвердзілі адключэнне электрычнасці і не назвалі прычыну новага блэкаўта ў Венесуэле.

Нацыянальная карпарацыя па электраэнергіі Corpoelec пацвердзіла, што ёсць перабоі ў падачы электраэнергіі, удакладніўшы, што на адной з падстанцый быў пажар.

Каб пакінуць каментар, калі ласка, актывуйце JavaScript у наладах свайго браўзеру