19.03.2019 / 09:13

У Японіі забаранілі фізічнае пакаранне дзяцей 1

Урад Японіі прыняў законапраект, які забараняе фізічныя пакаранні непаўналетніх у якасці меры іх выхавання, паведамляе The Japan Times.

Папраўкі ўнеслі ў закон аб прадухіленні жорсткага абыходжання з дзецьмі. Калі парламент краіны падтрымае законапраект, то ўжываць фізічны гвалт у адносінах да дзяцей забароняць бацькам, апекунам і сацыяльным работнікам.

У лютым прэм'ер-міністр Японіі Сіндза Абэ даручыў на працягу месяца разабрацца з усімі выпадкамі жорсткага абыходжання з дзецьмі. Гэта адбылося пасля гібелі 10-гадовай дзяўчынкі ў горадзе Ціба недалёка ад Токіа. Яна памерла ў студзені пасля таго, як яе сістэматычна збівалі, пазбаўлялі ежы і трымалі на холадзе. Зараз бацька дзяўчынкі, падазраваны ў гвалце над дзіцем, арыштаваны.

2
mikola ramanau / Адказаць
19.03.2019 / 13:14
Adurneli !  U Europe getye *dzetki uzo seli galavu ! Ja zrabiu zauvagu-kab ne guljali u Futbol pad voknami .........Backa adnoga(marakanec ) -zajaviu u Palicyiu ! Pryislosa *razbiracca*..............
Каб пакінуць каментар, калі ласка, актывуйце JavaScript у наладах свайго браўзеру