19.03.2019 / 12:06

Румас загадаў сустракаць Лукашэнку творча і нестандартна ФОТАФАКТ 19

У тэлеграм-канале Нехта з’явілася фота цікавага даручэння. Згодна з ім, цяпер мерапрыемствы з удзелам кіраўніка дзяржавы мусяць мець «творчыя і нестандартныя падыходы і формы».

Пры гэтым «мусіць чотка прасочвацца ідэалагічны складнік, які адлюстроўвае важнасць сустрэч».

«Традыцыйныя формы і метады ў працы над мерапрыемствамі з удзелам кіраўніка дзяржавы цяпер не прымаюцца», — гаворыцца ў даручэнні прэм'ер-міністра Сяргея Румаса.

Вядучы спецыяліст апарата Савета міністраў Міхаіл Малахоўскі пацвердзіў праўдзівасць дакумента. Па яго словах, гэта выклікана «жаданнем не прымяняць старыя метады».

«Вашым ці прэзідэнта?» — удакладніў карэспандэнт «Нашай Нівы».

«Узаемным жаданнем», — адказаў Малахоўскі.

Ці будуць нейкія санкцыі для тых, хто працягне ладзіць не надта крэатыўныя мерапрыемствы, Малахоўскі паведаміць не змог.

Прэзідэнцкі баль. Фота president.gov.by

nn.by

13
mikola ramanau / Адказаць
19.03.2019 / 12:17
Malaicy !
4
Палескі партызан / Адказаць
19.03.2019 / 12:36
Роту ганаровай варты пераапрануць у гусараў, прыводзіць мядзведзя на цэпе, абавязкова запрасіць цыганаў для стварэння кроўна блізкай і хатняй атмасферы, каб усе бачылі: барон прыехаў.
0
меркаванне / Адказаць
19.03.2019 / 12:41
Дзядуля в печалі? Патрэбны скамарохі, хараводы лябёдак, а можа як тут? З фільма "Забіць дракона" сустрэча бургамістра  https://www......................
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру