Адміністрацыя прэзідэнта ЗША Дональда Трампа ў заяўцы ў бюджэт на 2020 год прапануе спыніць працу трох службаў «Радыё Свабодная Еўропа» / «Радыё Свабода». Пра гэта паведамляе ўкраінская служба.
Гаворка ідзе пра грузінскую, татара-башкірскую і паўночнакаўказскую службы.
Згодна з бюджэтнай заяўкай, адміністрацыя хоча скараціць выдаткі на вяшчанне на замежную аўдыторыю на 22%. Такім чынам бюджэт «Радыё Свабода» могуць паменшыць да 87 млн даляраў у 2020 годзе (у 2019 годзе — 124 мільёны даляраў).
Акрамя таго, Белы дом прапануе скараціць выдаткі на балканскую службу «Радыё Свабода», спыніўшы дзейнасць у Чарнагорыі і Македоніі.
Па словах в.а. прэзідэнта карпарацыі Дэйзі Сіндэлар, летась «Радыё Свабодная Еўропа/Радыё Свабода» дасягнула штотыднёвай аўдыторыі ў 34 мільёны чалавек у інтэрнэце, на тэлебачанні і радыё.
