19.03.2019 / 15:25

Знойдзеная запіска затрыманага за масавае забойства ў галандскім Утрэхце. Паліцыя лічыць напад тэрактам 1

Паліцыя Нідэрландаў выявіла запіску ў машыне 37-гадовага ўраджэнца Турцыі Гекмана Таніса, якога затрымалі 18 сакавіка за стральбу ў трамваі ў горадзе Утрэхт.

Змест запіскі дазваляе казаць аб тым, што напад з'яўляўся спланаваным тэрактам, паведамляе АР са спасылкай на заяву паліцыі. Што канкрэтна ў ёй напісана, не раскрываецца.

Па словах следчых, яны таксама не валодаюць дадзенымі, якія паказваюць на тое, што злачынца загадзя ведаў каго-небудзь з сваіх ахвяр. Тым не менш паліцыя расследуе і іншыя магчымыя матывы Таніса, уключаючы асабістыя.

У выніку страляніны, адкрытай Танісам у трамваі, загінулі тры чалавекі, яшчэ пяць чалавек атрымалі раненні.

0
mikola ramanau / Адказаць
19.03.2019 / 16:21
Ja kazau i kazu -getyja *azijaty* davjaduc Europu da Vainy !
Каб пакінуць каментар, калі ласка, актывуйце JavaScript у наладах свайго браўзеру