19.03.2019 / 17:24

Як дабрацца да Гродна на святкаванне Дня Волі — 2019 — топ-3 спосабы 6

Святкаванне 101-годдзя БНР у Гродне адбудзецца ў суботу, 23 сакавіка, у Каложскім парку з 13:00 да 17:00.

Вядома, што на святочным канцэрце выступяць Лявон Вольскі, Зміцер Вайцюшкевіч, гурты «Крама», «Дай Дарогу!» і «Dzieciuki».

Дабрацца да Гродна 23 сакавіка можна наступным чынам:

1. Цягнік.

У Гродна можна стартаваць цягніком, які адпраўляецца са сталіцы ў 7:02. У Гродне вы будзеце ў 11:48.

Кошт квітка ў агульным вагоне — 6,24 рубля, у плацкарце — 9,56 рубля, у купэ — 13,25 рубля.

Пакуль што ў продажы застаецца 130 квіткоў. 

Вярнуцца ў Мінск можна начным цягніком, які адправіцца з Гродна ў 23:47. Альбо не чакаць канца мерапрыемства і з'ехаць у 16.45. Тады ўдасца вярнуцца ў Мінск да ночы.

2. Аўтобус/маршрутка

Аўтобусны квіток каштуе 13 рублёў.

Некалькі аўтобусаў розных перавозчыкаў ёсць у базе ticketbus.by, але асноўны гулец рынка — сэрвіс minsk-grodno.by.

Яго маршруткі адпраўляюцца кожныя 15-20 хвілін. Забраніраваць можна на сайце альбо ў мабільным дадатку.

Маршрутка ідзе тры з паловай гадзіны.

3. Бла-бла-кар/аўтаспын/падсадка

Сэрвіс па пошуку спадарожнікаў дазваляе сесці камусьці на хвост або прапанаваць самому падарожжа, калі ў вашай машыне ёсць вольныя месцы. Кошт паездкі — у сярэднім каля 10 рублёў з чалавека.

А калі не паленавацца і напісаць у суполках у сацыяльных сетках, што вы шукаеце магчымасць дабрацца на святкаванне 101-годдзя БНР, то, магчыма, вам пашанцуе знайсці не толькі папутчыкаў, але і добрую кампанію аднадумцаў.

Наталля Тур, фота www.tourister.ru

7
mikola ramanau / Адказаць
19.03.2019 / 17:31
Zastausja 4 sposab-Nikudy uvogule ni ehac !..............Sabracca -  *ne blizki svjat*...! Ne zgodzen !
12
Nokia / Адказаць
19.03.2019 / 17:58
Назавіце хоць адну прычыну навошта трэба ехаць у Горадню ?
11
mikola ramanau / Адказаць
19.03.2019 / 18:06
Nokia,!....+ 100%!........Lepei paedu z Pimenavym u Brussel.....
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру