23.03.2019 / 16:47

Жыхар Слуцка адпомсціў былой сяброўцы, апублікаваўшы яе інтымныя фоты 25

26-гадовы жыхар Слуцка Б. з помсты апублікаваў «Укантакце» інтымныя фатаграфіі сваёй былой каханай і фактычна разбурыў яе жыццё — ёй прыйшлося кінуць вучобу, перспектыўную працу і парваць сувязі з дзясяткамі сваіх знаёмых, у тым ліку і з роднымі.

Сябры, калегі і сваякі дзяўчыны маглі бачыць парнаграфічныя фоты і тэксты. Мужчына быў прызнаны вінаватым у распаўсюджванні парнаграфіі. Рашэнне суда Слуцкага раёна было абвешчана ў панядзелак, 18 сакавіка. Яму прызначылі пакаранне:

  • 120 гадзін грамадскіх работ,
  • штраф 1785 рублёў (70 базавых велічынь),
  • два гады пазбаўлення волі з адтэрміноўкай на два гады.

Прысуд не ўступіў у законную сілу і можа быць абскарджаны і апратэставаны ў апеляцыйным парадку.

Таксама дзяўчына падала пазоў на адрас Б. — 100 000 рублёў.

Менавіта ў такую ​​суму Анастасія ацэньвала свае маральныя пакуты, разбураныя перспектывы кар'ернага росту на адным з прадпрыемстваў Слуцкага раёна і агулам па сваёй прафесіі. Таксама Анастасіі прыйшлося абарваць усе сацыяльныя кантакты, таму што яе знаёмыя, родныя і калегі бачылі гэтую фэйкавую старонку. Рэпутацыя дзяўчыны была знішчана.

На абвінавачанага Б. судом ускладзеныя абавязкі кампенсацыі маральнай шкоды на 10 000 рублёў на карысць пацярпелай.

Пара сустракалася больш за пяць гадоў, з іх тры гады яны жылі разам.

Калі Анастасія была па вучобе на сесіі, ён пісаў ёй, што «сумуе і яму яе не хапае», і прасіў даслаць інтымныя фатаграфіі. Дзяўчына давярала яму і дасылала фота. Ён захоўваў іх у тэчку на сваім камп'ютары. На судзе Б. сказаў, што дасылаць яму фота «ню» дзяўчына стала па сваёй ініцыятыве.

Б. растлумачыў, што пасля расстання спрабаваў наладзіць «з ёй адносіны, але ў яе ўжо быў іншы мужчына». Пасля гэтага «ў парыве нянавісці» працягласцю ў тыдзень Б. пісаў ёй паведамленні з пагрозамі, а затым стварыў фэйкавую старонку «Укантакце» і апублікаваў тыя самыя фоты, што яна яму па даверлівасці дасылала.

Старонка існавала тыдзень, пакуль яе не заблакавалі адміністратары «Укантакце».

Б. не спрабаваў звязацца з дзяўчынай і папрасіць прабачэння. У асабістай гутарцы з карэспандэнтам газеты «Кур'ер» Анастасія распавяла, што ён, наадварот, пагражаў ёй па тэлефоне, пакуль ішло следства, але даказаць яна гэтага не можа.

9
mikola ramanau / Адказаць
19.03.2019 / 22:49
*nastaiasczyi* Idyiot !
119
циник / Адказаць
19.03.2019 / 22:54
Не чо нормально продала одно своё место за 50тысяч$$:)) я думаю она и не переживает, а радуется, где такая ей халява на голову ещё упадёт да ещё и сейчас, в кризис))) я думаю она даже могла предполагать заранее что он так сделает: ) обвела ревнивого дурачка вокруг пальца, уделала: ) Бож ты мой, ну какой ущерб, какие "социальные контакты"?))) кто в эту белиберду поверит??)))) главное для них сейчас это бабки, бабки и еще раз бабки, по сути решила квартирный вопрос и не в каком-то своём Слуцке, а в городе Минске:) Срочно надо покупать однушку
85
циник / Адказаць
19.03.2019 / 22:58
бедный олень просто даже не знал насколько бабы коварны:)))
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру