20.03.2019 / 06:25

У Вільні з дакладнасцю 95% эксгумавалі парэшткі Кастуся Каліноўскага 9

У ліпені 2017-га падчас раскопак на гары Гедыміна ў Вільні былі знойдзеныя парэшткі 20 чалавек. Нядаўна даследчыкі Віленскага ўніверсітэта прыйшлі да канчатковай высновы, што сярод іх ёсць і парэшткі Кастуся Каліноўскага, кіраўніка паўстання 1863-1864 гадоў, паведамляе Tut.by.

Па нашай грубай ацэнцы, з дакладнасцю 95 адсоткаў мы можам пацвердзіць, што адны з гэтых парэшткаў належаць Канстанціну Каліноўскаму, — кажа прафесар кафедры анатоміі, гісталогіі і антрапалогіі Віленскага ўніверсітэта Рымантас Янкаўскас.

Сваю ацэнку даследчыкі называюць грубай, паколькі астанкі Каліноўскага не праходзілі генетычную экспертызу. Прычына ў тым, што ў паўстанца не засталося нашчадкаў па мужчынскай лініі, якія маглі б здаць матэрыял для параўнання.

Да высновы, што гэта парэшткі менавіта Кастуся Каліноўскага, даследчыкі прыйшлі метадам выключэння ўсіх астатніх, а таксама з дапамогай супастаўлення ўзросту, спосабу пакарання, а таксама параўнання чэрапа і фатаграфіі. Для гэтага навукоўцы правялі падрабязныя даследавання ўсіх астатніх парэшткаў. Іх вынікі прафесар называе максімальна дакладнымі.

Ці не супадалі альбо ўзрост, альбо спосаб пакарання. Каліноўскі, напрыклад, быў павешаны, а трапляліся парэшткі расстраляных з раненнямі ў вобласці грудной клеткі. Некалькі чалавек ідэнтыфікаваныя па генетычных аналізах. У тым ліку па матэрыялах сваякоў, пахаванні якіх ёсць на могілках у Вільні. Для гэтага былі зроблены чатыры эксгумацыі і ўзятыя пробы. Мы не спяшаліся з высновамі, пакуль не былі даследаваны ўсе астатнія. Зараз мы маем дадзеныя па кожным.

Да канчатковых высноў даследчыкі прыйшлі 2-3 тыдні таму, калі атрымалі апошнія дадзеныя генетычнага аналізу. Не выяўлены толькі парэшткі яшчэ аднаго паўстанца - Станіслава Ішоры.

- У нас ёсць генетычныя дадзеныя яго двух нашчадкаў па мужчынскай лініі, якія жывуць у Літве і Польшчы. Яны паказваюць, што ні адны з гэтых 20 астанкаў не належаць яму. Такім чынам, не хапае толькі Станіслава Ішоры.

Фота: Lietuvos nacionalinio muziejaus archyvas

Фота: Lietuvos nacionalinio muziejaus archyvas

На гары Гедыміна знайшлі пахаванне Кастуся Каліноўскага?

Яшчэ пра магілу Каліноўскага — кампетэнтна

Пярсцёнак Серакоўскага, знойдзены на гары Гедыміна

7
Кажыма праўду / Адказаць
20.03.2019 / 07:19
Вечны спачын Беларускаму Герою.
Выдатны том Кнігазбору:
«Кастусь Каліноўскі. За нашую вольнасць. Творы, дакументы.» – Менск, МФ «Беларускі кнігазбор», 1999.

Нумары «Мужыцкай праўды» і «Лісты з-пад шыбеніцы»

Шануйма герояў белнацыі – змагароў за нашую волю!
Бо я табе з-пад шубеніцы кажу, Народзе, што тагды толька зажывеш шчасліва, калі над табою М**каля ўжэ не будзе.

Твой слугаЯська-гаспадар з-пад Вільні
0
Палкоўнік Зэман / Адказаць
20.03.2019 / 08:44
Цяпер антыбеларуса-прапагандысты жоўцю зыдуць!!
3
Той самы / Адказаць
20.03.2019 / 10:06
 Праф. Янкаўскас кажа, аб нашым нацыянальным героі Кастусе Каліноўскім:  "...ў паўстанца не засталося нашчадкаў па мужчынскай лініі, якія маглі б здаць матэрыял для параўнання."

Беларускім адмыслоўцам і неабыякавым людзям добра вядома, што на Беларусі (Свіслач) захавалася магіла брата К.Каліноўскага - Віктара. Калі прафэсар гэтага ня ведае - яму даравальна, але ж летувіскія  гісторыкі павінны гэта ведаць...

Значыць, гэта робіцца імі адмыслова, з палітычных мэтаў, каб паказаць, што К.Каліноўскі не мае адносінаў да Беларусі. Чарговая летувіская маніпуляцыя з беларускай гісторыяй на сваю  карысьць?
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру