20.03.2019 / 10:48

Пад Маладзечнам мужчына прабраўся ў чужую хату і з касой напаў на гаспадара, які спаў 4

Напад адбыўся ў в. Якавічы Маладзечанскага раёна, паведамляе абласная міліцыя.

Апоўначы ў міліцыю патэлефанавала жанчына, якая заявіла, што яе 57-гадовага мужа спрабавалі забіць. Высветлілася, што муж і жонка спалі ў розных пакоях, пакінуўшы незамкнутымі ўваходныя дзверы: чакалі вяртання сына.

Госць зайшоў у хату, прайшоў у пакой, дзе спаў гаспадар, і пачаў наносіць удары касой. Мужчына прачнуўся і паклікаў на дапамогу. Жонка ўдарыла агрэсара зэдлікам і патэлефанавала ў міліцыю.

Пацярпелага з колата-рэзанымі ранамі грудной клеткі, жывата, шыі і рук даставілі ў бальніцу. Падазраванага ў нанясенні цяжкіх цялесных пашкоджанняў затрымалі. 56-гадовы жыхар вёскі быў п'яны і не здолеў растлумачыць матывы сваіх паводзінаў. Ён змешчаны пад варту.

1
фелікс / Адказаць
20.03.2019 / 11:16
Беларусь сінетварая. Дзякуй "сацыяльнай" уладзе.
2
Жвір / Адказаць
20.03.2019 / 11:43
Ну, якая выснова ? Выснова адна: беларуская псыхіятрыя недапрацоўвае,..разшлындалася насамацёк,..і мае патрэбу ва ўвазе на вышэйшым узроўні...
1
mikola ramanau / Адказаць
20.03.2019 / 12:22
Knizak *napadnik* naczytausa ! * Smerc pryisla z kasoi.*.....Zahi u Kraine.....A ja tolki zbirausa pryehac........Zaraz Ni vedaiu...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру