Раніцай 20 сакавіка быў затрыманы анархіст Зміцер Паліенка.
Па версіі яго сяброўкі, хлопец чакаў знаёмага на лесвічнай пляцоўцы, дзе яго заўважыў «п’яны і агрэсіўны сусед, якому не спадабалася, што Паліенка там знаходзіцца». Мужчына нібыта пачаў абражаць хлопца, ударыў яго па твары, пасля чаго Паліенка ўжыў супраць апанента балончык з газам.
Па дадзеных следства, адбылося ўсё 13 сакавіка прыблізна каля 20:00 на лесвічнай пляцоўцы аднаго з дамоў па вуліцы Гурскага ў Мінску.
Але версія следства зусім іншая. У СК паведамілі, што жыхар дома заўважыў на лесвічнай пляцоўцы незнаёмага хлопца. Хлопец курыў. Мужчына зрабіў заўвагу, за што яму ў твар адразу пырснулі з газавага балончыка.
Тым хлопцам, як падазраюць следчыя, быў Зміцер Паліенка, якога затрымалі 20 сакавіка.
Расследаванне крымінальнай справы працягваецца, паведамляе СК.
Каментары