21.03.2019 / 18:54

У Казахстане пачаліся пратэсты супраць перайменавання Астаны 17

У сталіцы Казахстана Астане паліцыя затрымала каля 20 чалавек, якія выступалі супраць перайменавання горада ў Нурсултан — у гонар першага прэзідэнта краіны Нурсултана Назарбаева. Пра гэта паведамляе Reuters.

Фота: пратэсты ў Астане (twitter.com/Radio_Azattyk).

Паведамляецца, што пакуль фармальная працэдура не завершана, некаторыя жыхары Астаны выступілі супраць перайменавання сталіцы ў чацвёрты раз менш чым за 60 гадоў. Анлайн-петыцыя супраць перайменавання сабрала больш за 30 тысяч подпісаў.

Дзясяткі чалавек сабраліся ў чацвер раніцай, 21 сакавіка, на плошчы перад мэрыяй Астаны, каб выказаць нязгоду з рашэннем уладаў. Спрэчка з адным з удзельнікаў мітынгу прывяла да бойкі, пасля чаго паліцыя затрымала практычна ўсіх пратэстоўцаў.

Новы прэзідэнт Казахстана Касым-Жамарт Такаеў прапанаваў перайменаваць сталіцу Астану ў гонар першага прэзідэнта Нурсултана Назарбаева. Парламент Казахстана 20 сакавіка прыняў законапраект аб перайменаванні Астаны ў Нурсултан.

2
mikola ramanau / Адказаць
21.03.2019 / 18:00
Zgodzen ! Ni treba peraimionvac  !
35
Палкоўнік Зэман / Адказаць
21.03.2019 / 19:41
Каляровая рэвалюцыя??
7
Ёпрст / Адказаць
21.03.2019 / 19:55
У Расеі усім чакаць назвы самі ведаеце чаго - Пуцінбург? 
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру