21.03.2019 / 19:43

У Салігорску накрылі кантрабандыстаў, якія хавалі цыгарэты ў вагонах з калійнымі ўгнаеннямі 2

Двое мужчын хацелі пераправіць тавар у Балтыю. Іх узялі з доказамі злачынства падчас закладкі цыгарэт у грузавыя чыгуначныя вагоны.

Закладка цыгарэт ажыццяўлялася побач з адным з рудаўпраўленняў «Беларуськалія». Тавар грузілі ў вагон з угнаеннямі. Усяго канфіскавалі 12 000 пачкаў цыгарэт «Фэст».

У мужчын былі: шуфель, дрот для пламбавання, а таксама 88 пломбаў і выраблены саматужным спосабам пламбіратар, паведамляе УУС Мінаблвыканкама.

Калі кантрабандысты ўбачылі супрацоўнікаў міліцыі, яны кінуліся бегчы. Але іх удалося затрымаць. Адзін з мужчын адразу ва ўсім прызнаўся, а другі — прыкінуўся, што спаў, сказаўшы, што з вечара спіць проста ў чыстым полі.

Цяпер затрыманыя адмаўляюць нават тое, што яны знаёмыя. Адзін фігурант з Брэсцкай вобласці, другі — са Слуцка.

3
Свободный / Адказаць
21.03.2019 / 20:12
Ахах второй красавец))) не ну а што крутицца так крутицца)))
1
Дед Мороз / Адказаць
22.03.2019 / 00:14
Не понял одно... на кой чорт там (в странах ЕС) Фэст?!
Каб пакінуць каментар, калі ласка, актывуйце JavaScript у наладах свайго браўзеру