21.03.2019 / 20:21

П'яны бяспраўнік пасля ДТЗ прайшоў 10 кіламетраў з прабітай галавой: сябры яго кінулі, а выратаваў міліцыянер 4

На аўтадарозе Віцебск — Лёзна перавярнуўся легкавік, пасажыры кінулі параненага кіроўцу, а той прайшоў 10 кіламетраў, пакуль не ўпаў без сіл. Яго выратаваў міліцыянер, паведамляе УУС Віцебскага аблвыканкама.

У міліцыю паступіла паведамленне, што ў раёне адной з вёсак у кювеце ляжыць аўтамабіль. Інспектары адправіліся на месца ДТЗ. Ужо на пад'ездзе да месца аварыі яны сустрэлі «МАЗ» дарожнікаў, якія і выявілі легкавік. Аказалася, што разам з кіроўцам ехалі два п'яныя хлопцы, якія па дарозе папрасілі падвезці іх.

Капітан міліцыі Дзмітрый Лазука звярнуў увагу на аднаго з пасажыраў. Мужчына быў запэцканы крывёю, пры гэтым бачных ран на яго целе не было. Міліцыянт спытаў, чыя гэта кроў і ці быў у іх кампаніі трэці, той, хто сядзеў за рулём машыны, якая патрапіла ў аварыю. Хлопцы сталі адмаўляць свой удзел у ДТЗ. Інспектар не паверыў ім і вырашыў знайсці кіроўцу. Міліцыянер агледзеў пакарэжаны аўтамабіль і адправіўся шукаць яго ўладальніка. Ён аб'ехаў не адзін кіламетр мясцовых дарог, а потым уважыў мужчыну, што ляжаў на дарозе. Калі міліцыянер падышоў да пацярпелага, той ужо не мог самастойна рухацца. На галаве мужчыны была крывавая рана.

Міліцыянер пасадзіў скрываўленага мужчыну ў службовы аўтамабіль і паехаў у найбліжэйшую бальніцу. Па дарозе міліцыянер размаўляў з пацярпелым, каб той не страціў прытомнасць.

Як высветлілася пазней, мужчына быў п'яны і не меў права кіравання транспартным сродкам. Пасля аварыі яго кінулі пасажыры, а сам ён вырашыў пакінуць месца ДТЗ. Пятляючы па дарогах з прабітай галавой, ён здолеў прайсці амаль 10 км, пакуль канчаткова не заблукаў і не страціў сілы.

0
Ales' / Адказаць
21.03.2019 / 20:23
Малайчына, адказны падыход!
0
Вецер валос. / Адказаць
21.03.2019 / 20:48
Добры Чалавек,дай Бог яму попехаў па жыцці!
0
Ёпрст / Адказаць
21.03.2019 / 23:39
Такімі міліцыянерамі можна ганарыцца! Наогул, некалькі разоў у жыццевых інцыдэнтах бачыў звычайныя дзеянні міліцыянераў - прыстойныя людзі! Яны не бьюць палками и не разганяюць людзей!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру