23.03.2019 / 16:30

Дакументальны кінашэдэўр BBC па-беларуску

Проводзіцца збор сродкаў.

«Зямля. Адзін дзівосны дзень» — гэта адзін з самых захапляльных праектаў легендарнай англійскай тэлекампаніі, з шэдэўральнай аператарскай працай і вытанчанай рэжысурай. Ён дапамагае спыніць бессэнсоўны спажывецкі бег і задумацца пра базавыя адвечныя каштоўнасці: жыццё і смерць, дабрыню, адказнасць, сумленне і адданасць.

Паглядзець фільм па-беларуску можна будзе ў легальным анлайн-кінатэатры «Мегого», доступ па падпісцы (19 капеек першыя 14 дзён, далей — 5,9 руб./мес.) 

Рэліз беларускамоўнай версіі запланаваны адразу пасля збору сродкаў (мы ўжо зараз працуем над агучваннем). 

Ідэйна праект скіраваны на папулярызацыю беларускай мовы праз кіно — адну з самых уплывовых і прыцягальных частак сучаснай масавай поп-культуры. Цікавае гледачу кіно дазваляе лёгка пасябраваць з беларускай мовай, пазнаёміцца з лексікай, прызвычаіцца да маўлення і гучання, а таксама матывуе размаўляць на беларускай мове. 

Далучыцца можна ТУТ.

Каб пакінуць каментар, калі ласка, актывуйце JavaScript у наладах свайго браўзеру