22.03.2019 / 09:01

Румас у інтэрв'ю расійскаму тэлеканалу распавёў, што думае пра ЕАЭС 8

Прэм'ер-міністр Сяргей Румас даў інтэрв'ю тэлеканалу «Расія 24» для фільма аб Еўразійскім эканамічным саюзе, паведамляе прэс-служба Саўміна

Кіраўнік беларускага ўрада адказаў на пытанні, якія тычыліся дасягненняў, вытворчай кааперацыі, лічбавы эканомікі і перспектыў інтэграцыі ў Еўразійскім эканамічным саюзе.

Падчас інтэрв'ю Сяргей Румас адзначыў, што пастаўленыя пры стварэнні ЕАЭС мэты не страцілі актуальнасць. «Мэты, якія былі перад Еўразійскім эканамічным саюзам, і на сёння не страцілі сваю актуальнасць. Нельга сказаць, што мы дасягнулі мэтаў, якія ставілі перад сабой пры ўтварэнні гэтага саюза. Бо асноўная мэта — гэта забяспечыць бесперашкодны рух тавараў, паслуг, рабочай сілы і капіталу, а таксама выйсці на скаардынаваную, ўзгодненую і адзіную палітыку ў тых сектарах, якія вызначаны дагаворам аб заснаванні», - сказаў прэм'ер-міністр.

Ён таксама адзначыў, што ўсе краіны пры ўступленні ў ЕАЭС мелі свае мэты, і, напэўна, ніводная з удзельніц не зможа сказаць, што ўсе гэтыя мэты дасягнуты і ёсць поўнае задавальненне ад таго, як функцыянуе саюз.

 «Разам з тым гэта не падстава казаць пра тое, што саюз не адбыўся, і хтосьці расчараваўся ў ім. Гэта дадатковая магчымасць, каб паглыбляць інтэграцыю і працаваць над тымі пытаннямі, якія ў нас пакуль не атрымалася вырашыць», — дадаў Сяргей Румас.

Беларусь цікавіць у першую чаргу стварэнне роўных умоў канкурэнцыі з рашэннем пытанняў па цэнах на энерганосьбіты, стварэнне безбар'ернага асяроддзя для гандлю і ўрэгуляванне сітуацыі з доступам на рынак дзяржзакупак.

Фільм, у якім плануюцца інтэрв'ю з усімі кіраўнікамі ўрадаў краін - удзельніц саюза, здымаецца да пяцігоддзя падпісання Дамовы аб ЕАЭС.

25
Serg / Адказаць
22.03.2019 / 09:29
Только тесный политический союз, причем включая и Украину, может дать хороший старт в экономике, задействовать человеческий капитал и улучшить демографию, заставить себя уважать другие страны и объединения.
0
Той самы / Адказаць
22.03.2019 / 10:17
ЕАЭС... Што можна сказаць аб гэтай арганізацыі? Толькі адно - яна створана дзеля імпэрскіх інтарэсаў Расеі, з дзяржавамі, якія кантралюе Крэмль. 


Мяркуйце самі. Толькі Расея не ў мінусе, у гандлі з краінамі якія ўваходзяць ва ўзгаданую арганізацыю. Так што нэакаляніялізм ніколькі непрыхаваны. Дзярэ Расея апошнююю кашулю з "равноправных партнеров"...

А Румас выказваецца з вывертамі, бо калі скажа праўду - атрымае выспятка. Такі вось "гандаль" на карысьць аднаго.
1
Карсынскi / Адказаць
22.03.2019 / 10:54
Усе гэта амаль не працуе. Расiя выкарыстае эканамiчны рэсурс для дасягнення палiтычных задач, ды i магчымасцi у яе ужо не тыя нават Казахстан па ВУП на душу насельнiцтва абагнау Маску, ды i асноуную ставку робiць на Кiтай, не выпадкова вывучаюць тры мовы казахскую, кiтайскую i англiйскую. Задума добрая, але не рэалiстычна iз-за расiйскай iмперскай палiтыкi.Iмперыя можа толькi захоплiваць i далучаць землi, а не супрацоунiчаць, без гэтага яна проста развалiцца.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру