Два пасажырскія аўтобусы сутыкнуліся на захадзе Ганы. Пра гэта паведаміла мясцовае выданне Mynewsgh. Паводле інфармацыі партала, у катастрофе загінулі больш за 70 чалавек.
Партал Aricanews паведамляе аб 50 ахвярах. Улады пакуль не скончылі падлік загінулых.
Аўтобусы сутыкнуліся лоб у лоб. Адзін з іх загарэўся, і ўсе пасажыры загінулі на месцы. Іншы аўтобус перакуліўся і заехаў у кювет, частка пасажыраў выжыла. Параненыя былі дастаўлены ў мясцовыя шпіталі.
Аварыя адбылася ў вёсцы Амома, на шашы паміж Тамале і горадам Кінтампа. Дакладная прычына здарэння пакуль не ўстаноўлена. Прычынай аварыі магло стаць тое, што кіроўца аднаго з аўтобусаў заснуў за рулём і выехаў на сустрэчную паласу.
0
0
0
0
0
0