04.04.2019 / 09:27

13 красавіка — унікальная магчымасць: праплыць цеплаходам па Прыпяці 7

Скажы беларусу «Палессе» — што яму першае спадзе на думку? Балота.

«Людзі на балоце», «Дрыгва», «У палескай глушы» — нашы пісьменнікі як след прыклаліся да стварэння адпаведнага вобразу. Але ж так было не заўжды.

Пра Вялікую Ваду — возера ці мора — на месцы сённяшняй Прыпяці пісаў самы першы ў свеце гісторык Герадот.

За дваццаць пяць стагоддзяў, якія нас ад яго аддзяляюць, не раз мяняўся клімат. Цэлыя моры высыхалі, квітнеючыя землі ператвараліся ў пустыню. Але ў палескіх легендах усё яшчэ захоўваецца памяць пра караблі, рэшткі якіх прадзеды знаходзілі на балотах у сухія гады.

Але раз на год, увесну, Мора Герадота вяртаецца.

Бяскрайнія залітыя вадою прасторы, буйства прыроды ў пойме Прыпяці, першасная стыхія — такога не пабачыць у родных мясцінах ні жыхар лясістай беларускай Поўначы, ні ўзгорыстай Валожыншчыны, ні вялікага горада.

А ў дадатак — ёсць магчымасць праплыць па водах беларускай Амазонкі на караблі!

13 красавіка фонд «Краіна замкаў» запрашае выправіцца разам на экскурсію «Мора Герадота». Цуды Палесся яе ўдзельнікі пабачаць у Ляскавічах, цэнтры нацыянальнага парка «Прыпяцкі», дзе знаходзіцца адзін з найбуйнейшых у краіне музеяў прыроды. А саму каралеву Палесся, Прыпяць, можна будзе агледзець падчас двухгадзіннай экскурсіі на цеплаходзе па яе водах.

Перад вачыма ўдзельнікаў экскурсіі паўстануць фантастычныя палескія краявіды. Гэта будзе сапраўды незабыўнае падарожжа!

Удзел у экскурсіі каштуе 50 рублёў — дарослыя, 40 рублёў — дзеці (6—14 год). У цану ўваходзіць праезд на аўтобусе і экскурсійнае суправаджэнне.

Даведацца падрабязнасці і запісацца на экскурсію па Моры Герадота можна па тэлефонах:

(17) 203-69-70

(17) 226-03-02

(29) 682-58-07

(29) 772-77-58

Болей інфармацыі — на сайце www.zamak.by.

Фонд «Краіна замкаў». УНП 690382807

12
AlesGut / Адказаць
25.03.2019 / 09:41
Экскурсіі па Беларусі з сайтам на мове акупантаў.
2
Жвір / Адказаць
27.03.2019 / 10:27
Прыпяць, можна будзе агледзець падчас двухгадзіннай экскурсіі на цеплаходзе па яе водах.
https://nn.by/?c=ar&i=227448
 Ды ну,..такі "агляд". Не.
10
Максим Дизайнер / Адказаць
27.03.2019 / 17:32
А на цеплаходзе будзе играць любимая музыка барщ...ак?"На ципплаходзе музыка играет, а я адна туплю на берагу"? 
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру