22.03.2019 / 20:36

Больш за 100 чалавек эвакуіравалі са школы пад Барысавам з-за паведамлення пра мініраванне 1

Вучняў школы пад Барысавам эвакуіравалі з-за паведамлення аб мініраванні, праваахоўнікі затрымалі тэлефоннага хулігана, паведамляе мясцовае РУУС.

Сёння днём у міліцыю ад невядомага мужчыны паступіў званок з паведамленнем аб мініраванні вёскі Лошніца Барысаўскага раёна. Праз яшчэ некалькі хвілін паступіў паўторны званок ад гэтага ж абанента з паведамленнем аб мініраванні мясцовай сярэдняй школы.

У кароткія тэрміны ў школу прыехалі супрацоўнікі міліцыі і іншыя аператыўныя службы. Будынак быў ачэплены, эвакуіравалі 120 чалавек.

Выбуховых прылад на тэрыторыі навучальнай установы не знайшлі.

Хуліганам аказаўся беспрацоўны 38-гадовы мясцовы жыхар. Як патлумачыў мужчына, у момант званка ён быў нецвярозы, таму ніякага выразнага тлумачэння свайму ўчынку даць не можа.

0
mikola ramanau / Адказаць
22.03.2019 / 21:31
Ne perevelisa jace Zartauniki !....Kab *im* keska byla !...........A jak (ne dai BOG !) budze zaminiravana...? Geta z treba czas i specyjalisty !
Каб пакінуць каментар, калі ласка, актывуйце JavaScript у наладах свайго браўзеру