22.03.2019 / 21:30

У Гомелі злодзей скраў крыж з касцёла і падарыў яго праваслаўнаму манастыру. Крыж вярнулі 5

Летам 2018 году з гомельскага касьцёла зьнік крыж. Аказалася, злодзей падарыў яго жаночаму праваслаўнаму манастыру. Сёньня крыж у касьцёл прынёс праваслаўны япіскап Стафан, піша «Радыё Свабода».

Летась 27 ліпеня пасьля імшы пробашч касьцёла ксёндз Юры Варонка заўважыў, што са сьцяны каля ўваходу зьнік вялікі драўляны крыж. Заяву ў міліцыю тады вырашылі не падаваць, а крыж замянілі на іншы.

«Сёньня, 22 сакавіка, да нас у касьцёл нехта пагрукаў. Да нас завітаў уладыка Стафан, біскуп Гомельскі і Жлобінскі. Ён прынёс каталіцкі крыж. У ім мы пазналі свой, скрадзены летам. Аказалася, што крыж невядомы мужчына падарыў жаночаму праваслаўнаму кляштару ў Карме Добрускага раёну. У кляштары зразумелі, што крыж — каталіцкі, ня ведалі, што зь ім рабіць, і ўчора аддалі ўладыку Стафану», — расказаў Свабодзе а. Юры Варонка.

Гомельскія каталікі ўдзячныя праваслаўнаму япіскапу за вяртаньне крыжа.

2
mikola ramanau / Адказаць
22.03.2019 / 21:36
Zlodzeia zlavic i pakarac !
4
Туш / Адказаць
22.03.2019 / 23:11
Духоўны чалавек
12
litwin / Адказаць
23.03.2019 / 03:00
вось ён які "русскімір" , "рпц" ужо медалі дае за гэта ?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру