24.03.2019 / 14:44

Названы найлепшы легіянер у гісторыі англійскай прэм'ер-лігі 2

Цьеры Анры заняў першае месца ў галасаванні за званне найлепшага легіянера ў гісторыі англійскай прэм'ер-лігі, якое праходзіла на сайце тэлеканала BBC. Былы футбаліст лонданскага «Арсенала» атрымаў 45% галасоў па выніках апытання.

Другое месца ў галасаванні заняў Крышціяну Раналду, які выступаў за «Манчэстар Юнайтэд» з 2003 па 2009 год. Форвард атрымаў 14% галасоў. Трэцім стаў былы гулец «МЮ» Эрык Кантана, які набраў 12%.

У галасаванні за званне найлепшага легіянера ўдзельнічалі 13 футбалістаў, якія выступалі ў чэмпіянаце Англіі з 1992 года па сённяшні дзень. У апытанні прынялі ўдзел больш за 250 тыс. заўзятараў.

Акрамя Анры, Раналду і Кантана заўзятары маглі прагаласаваць за Серхіа Агуэра, Дыд'е Драгба, Петэра Шмейхеля, Венсана Кампані, Давіда Сільву, Неманья Відзіча, Патрыка Віейра, Пятра Чэха, Давіда дэ Хеа і Япа Стама.

Анры выступаў за «Арсенал» на працягу васьмі сезонаў з 1999 па 2007 год. У складзе каманды ён двойчы станавіўся чэмпіёнам Англіі і два разы выйграваў Кубак краіны. Усяго на рахунку французскага форварда 228 галоў за «Арсенал», што з'яўляецца найлепшым вынікам у гісторыі клуба.

2
Эхо / Адказаць
24.03.2019 / 20:56
А Ибрагимович в премьер-лиге не играл. Договорняк какой-то, а не голосование.
0
Полина / Адказаць
25.03.2019 / 13:27
"Давид, а Сильву". Это один человек, кмон
Каб пакінуць каментар, калі ласка, актывуйце JavaScript у наладах свайго браўзеру