25.03.2019 / 12:39

На гэтым тыдні пахаладае. Але ненадоўга

У аўторак праз тэрыторыю Беларусі перамесціцца халодны атмасферны фронт, следам за якім стане распаўсюджвацца больш халоднае паветра. Месцамі на зямлю зноў ляжа снег. Вецер парывісты. Ноччу ад мінус 3 да +2, удзень — +2-8.

У сераду, 27 сакавіка, ноччу месцамі пройдзе кароткачасовы снег, днём пераважна без ападкаў. Уначы ад нуля да -6, удзень — +1-7.

У чацвер, 28 сакавіка, без ападкаў. Днём +5-10.

У пятніцу ноччу ад мінус 2 да +4, днём - ад +6 па паўночным усходзе да +13 градусаў цяпла па паўднёвым захадзе краіны.

У выходныя пачне паступаць цёплае паветра з Заходняй Еўропы, паведамляе БелТА.

Каб пакінуць каментар, калі ласка, актывуйце JavaScript у наладах свайго браўзеру