Мінская міліцыя апублікавала кароткі артыкул, прысвечаны сваёй працы на святкаванні Дня Волі.
«Названыя мерапрыемствы прайшлі з 12.00 да 18.30, максімальная колькасць удзельнікаў якіх не перавысіла 1500 чалавек.
Супрацоўнікі міліцыі прынялі ўсе неабходныя меры для забеспячэння правапарадку ў месцы правядзення мерапрыемстваў. Грубых парушэнняў пры правядзенні мерапрыемстваў зарэгістравана не было, — паведамляе міліцыя. —
Тым не менш, за парушэнні грамадскага парадку падчас правядзення мерапрыемстваў, а таксама за парушэнні правілаў арганізацыі масавых мерапрыемстваў і абразу затрымана двое грамадзян, адзін з якіх па звароце арганізатараў мерапрыемстваў».
Адзін з затрыманых — гэта Зміцер Дашкевіч, які выступіў з рэзкай прамовай са сцэны. Пасля выступу Дашкевіча затрымалі сілавікі, пазней высветлілася, што ён на Акрэсціна ў ізалятары.