25.03.2019 / 18:28

Вольскага, Варашкевіча, Вайцюшкевіча і Аракеляна затрымалі за спробу зладзіць вулічны канцэрт 38

У 21:00 музыканты былі вызваленыя. На іх склалі пратаколы.

***

Лявона Вольскага і яго жонку вядуць у аўтазак.

Вядомыя беларускія музыкі — Лявон Вольскі, Зміцер Вайцюшкевіч, Ігар Варашкевіч, Павел Аракелян — збіраліся павіншаваць мінчукоў з Днём Волі вулічным канцэртам. Іх затрымалі, як толькі яны дасталі музычныя інструменты. Яшчэ 10 чалавек былі затрыманыя на Кастрычніцкай плошчы за спробу зладзіць шэсце да будынка, дзе была абвешчаная Беларуская Народная Рэспубліка.

Як толькі Лявон Вольскі прыйшоў на месца сустрэчы, да яго падышоў міліцыянт і папярэдзіў, што канцэрт будзе расцэнены як несанкцыянаванае масавае мерапрыемства. Музыкі сталі раіцца, што ім рабіць, але рашэнне ім прыняць не далі. Праз некалькі хвілін пад'ехаў аўтобус з міліцыянтамі. Кіраўнік міліцыі Цэнтральнага раёна Мінска запатрабаваў, каб музыканты прайшлі ў аўтобус. Яны затрыманыя «для высвятлення асобы».

Фота: Tut.by.

У міліцыю трапілі Лявон Вольскі, Ігар Варашкевіч, Зміцер Вайцюшкевіч і Павел Аракелян, а таксама некалькі суправаджаючых іх асобаў.

Варта адзначыць, што дзясяткі мінчукоў, што сабраліся на скрыжаванні, адрэагавалі на затрыманне выкананнем песень. Яны заспявалі «Тры чарапахі», «Простыя словы» і «Надзеньку».

На папярэджанні міліцыі «Паважаныя грамадзяне! Правядзенне мерапрыемства не дазволена. Просім вас разысціся» людзі адрэагавалі выгукамі «Ганьба» і выкананнем беларускай народнай песні «Купалінка».

Павел Аракелян.

Аўтобус, на якім забралі затрыманых.

На імправізаваны канцэрт прыйшло некалькі дзясяткаў чалавек.

Вядомыя музыкі Беларусі меліся павіншаваць мінчукоў з Днём Волі спантанным канцэртам проста на вуліцах Мінска. Яны планавалі пачаць святочны музычны джэм а 18:30 на пешаходным скрыжаванні вуліц Рэвалюцыйная і Камсамольская, дзе часта спяваюць вулічныя музыкі.

2
Ales' / Адказаць
25.03.2019 / 18:38
Слабенькая ў нас міліцыя - нават Вольскага твар запомніць не могуць. Але ж хіба разумныя людзі туды працаваць пойдуць?
2
belariy / Адказаць
25.03.2019 / 18:48
хоспадзе.....   як жа яны ўсе абрыдлі....
"для высьвятленьня асобы"....      б........ь
2
Дзмитро Александрыйски / Адказаць
25.03.2019 / 18:53
Шунявками завоняло.
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру