26.03.2019 / 07:41

Самалёт British Airways вылецеў з Лондана ў Нямеччыну, а прызямліўся ў Шатландыі 3

Эдынбург, фота з Вікіпедыі

Самалёт брытанскай авіякампаніі British Airways, які ў панядзелак павінен быў ляцець з Лондана ў нямецкі Дзюсельдорф, памылкова прызямліўся ў шатландскім Эдынбургу, піша Бі-бі-сі.

Пасажыры даведаліся пра гэта толькі пасля пасадкі, калі па ўнутранай радыёсувязі абвясцілі: «Сардэчна запрашаем у Эдынбург!»

Памылка адбылася з-за таго, што пілотам уручылі няправільны палётны план.

Рэйс выконвала нямецкая авіякампанія WDL Aviation, якая кіравала самалётам па лізінгавай дамове з British Airways.

Памылка была выпраўленая і пасажыраў адправілі ў Дзюсельдорф.

Як распавяла 24-гадовая Сафі Кук, калі пілот абвясціў, што самалёт пачынае пасадку ў Эдынбургу, усе падумалі, што гэта жарт. Яна нават вырашыла спытаць бортправаднікоў, ці не жартуюць яны.

Затым пілот папрасіў пасажыраў падняць рукі, калі яны хочуць ляцець у Дзюсельдорф. Усе паднялі рукі, распавядае Сафі.

«Пілот сказаў, што не разумее, як гэта адбылося. Ён сказаў, што такога ніколі раней не здаралася і што экіпаж спрабуе прыдумаць, што ж цяпер рабіць», — кажа яна.

12
Палкоўнік Зэман / Адказаць
26.03.2019 / 08:19
П'яныя былi?
0
Соцработник / Адказаць
26.03.2019 / 12:58
Гэта я iх Напaiу :-)
3
Common Sense / Адказаць
26.03.2019 / 14:09
На мабiлках сядзелi увесь час напэуна
Каб пакінуць каментар, калі ласка, актывуйце JavaScript у наладах свайго браўзеру