26.03.2019 / 09:06

Дзень Волі ў Глыбокім фільмавалі чатыры спецслужбісты ФОТА 8

25 сакавіка і ў Глыбокім адзначылі Дзень Волі. Сабралася рэкордная для Глыбокага колькасць - больш за дзесяць чалавек.

Святкаванне прайшло ў традыцыйным, заведзеным з 2013 года, фармаце - удзельнікі ўсклалі кветкі да помніка прэм'еру БНР Вацлаву Ластоўскаму, мемарыяльнай шыльды ў гонар стваральніка бел-чырвона-белага сцяга Клаўдзія Дуж-Душэўскага, і магілы сябра Саюза беларускіх патрыётаў (арганізацыі, якая існавала ў Глыбокім і Паставах і разгромленая органамі МГБ у 1947-м) Альбэрта Бацяноўскага.

Каля шыльды Дуж-Душэўскага і над магілай Бацяноўскага быў узняты бел-чырвона-белы сцяг.

Міліцыя не перашкаджала, але ўпершыню акцыю фільмавалі на камеры чатыры службоўцы з мясцовых аддзелаў міліцыі і КДБ.

Фота — Уладзімір Скрабатун. 

Фота — Уладзімір Скрабатун. 

Фота — Уладзімір Скрабатун. 

Фота — Уладзімір Скрабатун. 

* * *

Дзень Волі ў Глыбокім пачалі адзначаць у 90-я. У 1996 годзе ў гэты дзень быў арганізаваны пікет на прыступках райвыканкама. Да 2003 года акцыі ладзіліся штогод. Потым быў перапынак да 2013 года, калі грамадскія актывісты пачалі адзначаць гэты дзень ускладаннем кветак да ўсталяваных помнікаў дзеячам БНР.

3
вусцішны троль / Адказаць
26.03.2019 / 09:23
На 10 грамадзян 4 шуняўкі-дармаеда!!!
1
Святлана / Адказаць
26.03.2019 / 10:31
Са святам!
2
фелікс / Адказаць
26.03.2019 / 10:46
Так баяцца, што іх ад улады адрынуць. Самі сук пад сабой згрызуць.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру