Гэта першы беларускі бізнэсовец, які зрабіў сваё шляхецкае прозвішча і герб бізнэс-брэндам.
У ноч на 26 сакавіка памёр бізнэсовец і пісьменнік Анатоль Статкевіч-Чабаганаў. Яму было 72 гады. Прычына — даўняя анкалогія.
Сям'і Статкевіча належалі Навагрудская фабрыка спецвопраткі, Гомельская абутковая фабрыка.
Анатоль Статкевіч-Чабаганаў меў дзяржаўныя ўзнагароды за стварэнне 4-томнай серыі гісторыка-дакументальных кніг «Я — сын Ваш». Ён даследаваў гісторыю беларускай шляхты.
«Гісторыяй свайго роду я цікаўлюся практычна ўсё сваё жыццё. Таму што я нарадзіўся ў вёсцы Засмужжа Любанскага раёна, і да рэвалюцыі гэта быў маёнтак майго дзеда. Потым пачалася рэвалюцыя, раскулачванне, мой дзед быў расстраляны, сям'я была высланая ў Комі-Пермяцкую акругу. Усё гэта няшчасце з сям'ёй падштурхнула мяне да вывучэння свайго роду. І калі я ўжо многія гады працаваў над гісторыяй свайго роду, я настолькі захапіўся, што гэта стала галоўнай тэмай майго жыцця — вывучэнне роду ў мяне перарасло ў вывучэнне гісторыі айчыны. Сваю працу я разумею не як вывучэнне радаводу, а як вывучэнне гісторыі грамадства, айчыны праз чалавека, праз сям'ю, праз род», — расказваў ён у інтэрв'ю Naviny.by
Гэта першы беларускі бізнэсовец, які зрабіў сваё шляхецкае прозвішча і герб бізнэс-брэндам.
Герб роду Статкевічаў «Касцеша»
На яго сродкі ў Слуцку быў узведзены помнік Сафіі Слуцкай.
Статкевіч-Чабаганаў — адзін з нешматлікіх бізнэсоўцаў свайго пакалення — вучыўся на Захадзе. Сярод яго ўніверсітэтаў, поруч з Ленінграндскім інстытутам дакладнай механікі і оптыкі, Вышэйшай школай кіравання пры АПК СССР ёсць і Школа эканомікі і англійскай мовы ў Борнмуце (Вялікабрытанія).
Развітанне са Статкевічам-Чабаганавым адбудзецца 28 сакавіка ў рытуальнай зале на Кульман, 33А з 9 да 12 гадзіны. Пасля нябожчыка адпяюць у царкве ў Сёмкавым гарадку. Пахаванне адбудзецца на Паўночных могілках.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10
Каментары