26.03.2019 / 11:48

Жыхарка Гомеля падрэзала на дарозе іншага кіроўцу і атрымала ў твар пярцовым балончыкам 1

Здарэнне адбылося 23 сакавіка, 29-гадовая гамяльчанка звярнулася ў міліцыю, паведамляе гомельская абласная міліцыя.

Жанчына распавяла, што невядомы мужчына на вуліцы Лепяшынскага распыліў ёй у твар газ з балончыка.

Пацярпелая распавяла следча-аператыўнай групе, што ехала на сваёй машыне па вуліцы Лепяшынскага. Пераладкоўваючыся ў іншы шэраг, яна падрэзала іншы аўтамабіль. Праз нейкі час тая машына яе абагнала і прымусіла спыніцца. Пакрыўджаны кіроўца падышоў да яе аўто. Жанчына апусціла акно і спытала, што здарылася. У адказ мужчына дастаў пярцовы балончык, распыліў ёй у твар, вярнуўся да свайго аўто і з'ехаў.

Жанчына запомніа марку машыны крыўдзіцеля, але не запомніла нумар. Па запісах з відэакамераў аператыўнікі вылічылі і затрымалі 53-гадовага нападніка. . 

4
фелікс / Адказаць
26.03.2019 / 11:53
чаму не пішацца пра грамадзянства нападніка ?
Каб пакінуць каментар, калі ласка, актывуйце JavaScript у наладах свайго браўзеру