26.03.2019 / 14:52

Фантаны ў Мінску запрацуюць 26 красавіка, а ў парку Чалюскінцаў адкрыецца трохузроўневы лабірынт

Сезон фантанаў адкрыецца ў Мінску 26 красавіка. Урачыстая цырымонія пройдзе перад Операй, паведамілі БелТА ў «Менскзелянбудзе».

У красавіку павінны запрацаваць і атракцыёны ў гарадскіх парках. Адметнасць гэтага года — плацежна-прапускная сістэма з відэаназіраннем, праект рэалізуецца ў парках Чалюскінцаў і Горкага. У парку Чалюскінцаў павінен з'явіцца трохузроўневы лабірынт. Гульнявы комплекс з тунэлямі, горкамі і перашкодамі для дзяцей ад трох да 12 гадоў размесціцца каля танцавальнай пляцоўкі «Сустрэча».

Каб пакінуць каментар, калі ласка, актывуйце JavaScript у наладах свайго браўзеру