27.03.2019 / 11:29

У Брэсцкай вобласці мясцовых жыхароў заклікалі шукаць метэарыт 6

У Калядную ноч, 7 студзеня, у Брэсцкай вобласці ўпаў метэарыт.

Днямі Пружанскі раён наведала група навукоўцаў — супрацоўнікаў Польскай лабараторыі камет і метэораў, якія збіралі аповеды магчымых відавочцаў рэдкай з’явы, паколькі некалькі польскіх фотакамер таксама зафіксавалі пралёт метэарыта ў бок Пружан, паведаміла мясцовае выданне «Раённыя будні».

Як адзначаюць замежныя даследчыкі, метэарыт пры пралёце праз атмасферу мог важыць да 500 кг, а пры падзенні — да 100 кг. Ён таксама мог раздрабніцца на меншыя кавалкі — ад 50 кг да 100 г. 

Па навуковых разліках была вызначана прыкладная зона падзення метэарыта. А гэта раён вёсак Палонна-Забалацце, Смаляны, Задвараны, Тулоўшчына, Загор’е і Стасюкі. У суседнім Бярозаўскім раёне — Давыдавічы, Бухалі, Міхновічы.

Спецыялісты заклікаюць мясцовых жыхароў як мага хутчэй правесці пошукі нябеснага каменя, пакуль ён яшчэ ляжыць на паверхні зямлі (з пачаткам палявых сельгасработ знайсці рэшткі метэарыта будзе амаль немагчыма).

Для навукоўцаў вельмі важна зафіксаваць фотаздымкамі месца падзення метэарыта і яго знешні выгляд, а таксама вызначыць дакладныя каардынаты гэтага месца. 

Па іх меркаванні, знешне «пружанскі» метэарыт павінен быць чорным, а на сколах — больш светлым. Верагодна, метэарыт быў жалезным, таму нават малыя яго кавалкі будуць параўнальна цяжкімі.

0
_J_ / Адказаць
27.03.2019 / 12:06
Як адзін з гэтых польскіх спэцыялістаў адзначу, што саму зону падзеньня палічылі імаверна з памылкай, таму трэба арыентавацца на паласу шырынёй кілямэтры чатыры абапал жоўтай і сіняй простай зьверху мапы. Калі рэдактар зробіць апдэйт арыткулу, буду вельмі ўдзячны.

1
Свободный / Адказаць
27.03.2019 / 12:22
Мне кажется вселенна ошиблась с местом..
0
Свободный / Адказаць
27.03.2019 / 12:45
Ну круто но резон жителям искать за спасибо или за грамату?
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру