Гродзенскі блогер, пісьменнік Яўген Аснарэўскі паведаміў, што мясцовыя ўлады ўхвалілі прапанову перанесці бюст Чапаева з вуліцы Міхася Васілька ў музей.
Помнік Чапаеву на скрыжаванні вуліц Васілька і Карбышава ў Гродне. Фота Руслана Кулевіча, hrodna.life
Рашэнне было прынятае па выніках пасяджэння абласной мастацка-экспертнай рады.
Варыянт паставіць замест бюста Чапаева скульптуру Васілька пакуль не разглядаецца.
Сёлета ў лютым помнік Чапаеву дэмантавалі для рэканструкцыі — прымеркавалі да 75-годдзя Гродзенскай вобласці. Першапачаткова планавалася, што пасля абнаўленняў яго вернуць на месца.
Бюст быў усталяваны ў Гродне ў 1960-х, хоць сам Чапаеў ніколі не быў ні ў Гродне, ні ў Беларусі. У савецкі час у горадзе была і вуліца Чапаева, якую пазней перайменавалі ў Васілька. Але помнік пакінулі.
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13
Каментары