01.04.2019 / 08:31

Чатыры простыя адрозненні: чым падлік галасоў ва Украіне розніцца ад беларускага 14

Ва Украіне кожны кандыдат мае права накіраваць сваіх прадстаўнікоў у выбарчыя камісіі. У выніку падлічваюць прадстаўнікі ўладаў і апазіцыі разам. У Беларусі членаў выбарчых камісій прызначаюць выканкамы, якіх саміх вертыкальна прызначае Аляксандр Лукашэнка.

Ва Украіне назіральнікі сочаць за падлікам галасоў зблізку і маюць права здымаць падлік. У Беларусі назіральнікаў трымаюць на такой адлегласці, што яны не бачаць, дзе за каго каторы бюлетэнь.

Ва Украіне няма датэрміновага галасавання. Яго адмянілі, пасля таго як з'явіліся падазрэнні, што датэрміновае галасаванне выкарыстоўваецца для фальсіфікацыі (укідвалі бюлетэні ўначы). У Беларусі на датэрміновае галасаванне ў прымусовым парадку заганяюць, у выніку чаго датэрмінова галасуюць часам нават 30% людзей, хоць звычайна ў дзень галасавання падарожнічаюць лічаныя адзінкі.

Ва Украіне экзіт-полы праводзяць сацыялагічныя службы, якія не залежаць ад дзяржавы і не фінансуюцца ёй. Таму іх вынікі вельмі дакладна прадказваюць вынікі галасавання. На ўсіх выбарах вынікі нацыянальнага экзіт-пола з дакладнасцю да 1% прадказвалі вынікі падліку. У Беларусі ж было ўведзенае ліцэнзаванне сацыялагічнай дзейнасці, і сацыёлагаў трэслі спецслужбы, у выніку чаго незалежныя ад дзяржавы саццэнтры вымушаныя спыніць апытанні на палітычныя тэмы.

Усе чатыры гэтыя моманты разам і вызначаюць, чаму ўкраінскія выбары ў Еўропе прызнаюць дэмакратычнымі, а беларускія — не.

Сяргей Гезгала

1
Трактарыст-максімаліст / Адказаць
01.04.2019 / 08:54
Забыліся яшчэ пра беларускія чырвоныя дубовыя урны, якія памятаюць "выбары" 1930-х гадоў.
0
belariy / Адказаць
01.04.2019 / 09:41
ды ўрэшце, каго б украінцы не выбралі, у іх хаця бы ёсьць сама гэта магчымасьць - выбраць таго, хто ім падабаецца.
0
фелікс / Адказаць
01.04.2019 / 10:15
Адно самае істотнае адрозненне - Украіна пазбавілася ад дыктату Расеі. Пакуль у Беларусі гаспадарыць расейская палітыка, яна не дапусціць ніякай дэмакратызацыі. А самы галоўны кандуктар расейскай волі у Беларусі ведаеце хто. Той, каго гэта самая Расея абараніла ад імпічменту у 1996 годзе.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру