Дэпутаты ў першым чытанні прынялі законапраект «Аб становішчы замежных грамадзян і асоб без грамадзянства». Паводле яго турысты змогуць знаходзіцца ў краіне без рэгістрацыі да 10 дзён (сёння - да 5 дзён), піша Tut.by.
Законапраект прадстаўляў у парламенце намеснік міністра ўнутраных спраў Мікалай Мельчанка. Паводле яго слоў, у мінулым годзе ў Беларусь прыехала 5 мільёнаў замежнікаў, сярод іх сто тысяч скарысталіся бязвізавым уездам.
Каб краіна была больш прывабная для замежнікаў, плануецца ўнесці наступныя змены ў законапраект «Аб прававым становішчы замежных грамадзян і асоб без грамадзянства ў Беларусі»:
— замежнікам дазволяць не рэгістравацца ў Беларусі на працягу 10 дзён (цяпер яны павінны зарэгістравацца, калі прыязджаюць на тэрмін больш за 5 дзён);
— высокакваліфікаваным работнікам-замежнікам дазвол на часовае пражыванне можа быць выдадзена тэрмінам да двух гадоў;
— пад'ёмныя, якія выплачвае дзяржава такому работніку (каля 430 рублёў), ён павінен будзе вярнуць пры датэрміновым скасаванні кантракту.
— дазвол на пастаяннае пражыванне такім работнікам можа быць выдадзена праз 4 гады, а не праз 7, як цяпер.
У цяперашні час замежныя грамадзяне, якія плануюць знаходзіцца ў Беларусі больш за 5 рабочых дзён, павінны зарэгістравацца ў органах унутраных спраў па месцы свайго знаходжання ў краіне альбо на адзіным партале электронных паслуг, не звяртаючыся асабіста ў органы ўнутраных спраў.
Каментары