02.04.2019 / 16:35

Настаўніцу зарэзаў, бо «дастала» — новыя падрабязнасці гучнага забойства ў Стоўбцах 14

У эфіры «Альфа-радыё» афіцыйная прадстаўніца Следчага камітэта Юлія Ганчарова паведаміла, што Вадзім М., дзесяцікласнік стаўбцоўскай школы №2, часткова прызнаў віну. Нагадаем, хлопца вінавацяць у забойстве дваіх чалавек і пакушэнні на забойства яшчэ дваіх.

«Наша Ніва» звязалася з маці Вадзіма, каб удакладніць, у чым менавіта хлопец прызнае віну. Але жанчына паведаміла, што шмат дэталяў не ведае: маўляў, яна з сынам не бачыцца, не даюць. Да Вадзіма пускаюць толькі яго бацьку.

Нагадаем, 11 лютага Вадзім прыйшоў у школу з нажом. Ён забіў настаўніцу гісторыі Марыну Пархімовіч, параніў двух вучняў, якія спрабавалі абараніць жанчыну. Пасля Вадзім выйшаў з кабінета, зайшоў у суседні пакой, дзе былі адзінаццацікласнікі, падышоў да Аляксандра Раманава і ўдарыў таго нажом у шыю. Раманаў памёр на месцы. Вадзім збег, праз пару гадзін яго затрымалі.

Па словах маці, Вадзім казаў бацьку, што не памятае, як забіў 11-класніка Сашу Раманава.

«Вадзім казаў, што не хацеў забіваць таго адзінаццацікласніка. Сын не памятае, як пайшоў у той пакой і чаму ўдарыў Раманава нажом. Кажа, і сам не ведае, як і чаму так здарылася», — кажа маці Вадзіма.

Але пра забойства настаўніцы Вадзім выказваўся адназначна, расказала жанчына. Настаўніцу Вадзім забіў свядома, патлумачыў гэтым, што яна яго «дастала ў школе».

Пакуль што следчыя дзеянні па справе працягваюцца. 

***
Пазней з «Нашай Нівай» звязаўся бацька Вадзіма. Мужчына паведаміў, што словы яго жонкі інтэрпрэтавалі няправільна: маўляў, Вадзім кажа, што яго «дасталі ў школе», а не канкрэтна пра настаўніцу.

УШ

60
фелікс / Адказаць
02.04.2019 / 16:48
Я думаю, што там ёсць нацысцкі матыў, магчыма - ухваленне з боку расейскіх сяброў. Чалавек рыхтаваўся да забойства, сцер інфармацыю з сацсетак. І наўрадці следства апублікуе інфармацыю аб тым, што было у яго на кампутары і сацсетках - усходні сусед не дазволіць.
11
Чарнарусь / Адказаць
02.04.2019 / 16:58
Больной человек
12
Šarkoŭski pan / Адказаць
02.04.2019 / 17:06
Ён сапраўды хворы, як па мне. Не разумею вынікаў экспертызы.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру