02.04.2019 / 18:42

«Ён у нас не працуе»: што кажуць начальнікі чыноўніка, які памёр на працы ў кароўніку 16

Учора «Наша Ніва» напісала пра смерць чыноўніка Шклоўскага райвыканкама Ігара Кабылянца. 50-гадовага эканаміста з упраўлення сельскай гаспадаркі адправілі бяліць кароўнікі на ферме. Падчас працы мужчыну стала блага, ён памёр.

Ігар Кабылянец, фота з сацсетак

Сваякі Кабылянца сцвярджаюць, што чыноўніка, як і іншых работнікаў райвыканкама, перыядычна адпраўлялі мыць і фарбаваць фермы. Кажуць, такая практыка з’явілася, калі Шклоўскі райвыканкам узначаліў Васіль Віцюноў — нядаўна звольнены з гэтай пасады.

«Наша Ніва» звярнулася па каментары да начальнікаў памерлага чыноўніка.

Начальнік упраўлення сельскай гаспадаркі Шклоўскага райвыканкама Міхаіл Куксянкоў сваім адказам здзівіў.

«Кабылянец на сённяшні дзень у нас не працуе», — паведаміў Куксянкоў.

Міхаіл Куксянкоў.

На ўдакладненне, што ўжо вядома пра смерць яго падначаленага, чыноўнік адказаў так:

«Спытайце ў яго жонкі, яна лепш ведае. Хто яго куды адпраўляў, памёр ён, не памёр, я не блізкі сваяк, не магу вам патлумачыць гэтага».

Ірына Лазарэнка, намесніца Куксянкова, паведаміла, што нічога не можа сказаць, бо на момант трагедыі была ў адпачынку і нічога не ведае.

Васіль Віцюноў, які нібыта і адпраўляў чыноўнікаў працаваць у кароўніках, ужо змяніў працу. 26 сакавіка Лукашэнка наведаў аграхолдынг «Купалаўскае» і зладзіў разнос, убачыўшы брудных і «абасраных» кароў. Пасля паляцелі галовы: звольнілі міністра сельскай гаспадаркі Зайца, віцэ-прэм’ера Русага, магілёўскага губернатара Даманеўскага. Знялі і Віцюнова — з пасады кіраўніка Шклоўскага райвыканкама яго перавялі на пасаду кіраўніка таго самага аграхолдынга «Купалаўскае».

«Наша Ніва» звязалася з Віцюновым, але ён не захацеў размаўляць. Адказаў коратка: ніякіх каментароў, усе пытанні да следчых. 

Васіль Віцюноў.

Дарэчы, блізкія да сям’і памерлага Ігара Кабылянца сцвярджалі, што чыноўнік меў напружаныя адносіны з Віцюновым. Гэта не першая непрыемная гісторыя ў біяграфіі экс-старшыні райвыканкама.

Год таму павесіўся Дзмітрый Васілеўскі, які на той момант кіраваў тым самым «Купалаўскім». СМІ пісалі, што ў Васілеўскага са старшынёй райвыканкама быў канфлікт. Сам Віцюноў сцвярджаў, што канфлікту не было.

УШ

1
меркаванне / Адказаць
02.04.2019 / 18:46
Маньяк чырвонарожы.
2
Ян Севярын Бакей / Адказаць
02.04.2019 / 19:36
прыгадваецца вельмі даўняе інтэрв'ю. 
-ВВП, что случілось с "Курском"?
-он утонул.
ну, што сумленьня і чалавечай спагады ў сёняшніх "іспалніцельскіх верцікальшчыкав" шукаць не даводзіцца, я здагадваўся. Але ж... Настолькі... э.. "невострыя розумам", што сябе несьмяротнымі ў прамым сэньсе лічаць? не прымяраюць сітуацыю на сябе?думаюць, што заўсёды адкупяцца ад ўсіх бедаў, у тым ліку і ад госьці бязносай. з востраю касой?Ох, дарэмна...
1
гыгыгы / Адказаць
02.04.2019 / 19:50
Вот вам и повод для наручников про которые так ратовал агл. Самый прямой и не надуманный - превышение власти, халатность, служебный подлог и еще парачку специальных статей. Если этот начальник и бывшый старшыня не получат хотя бы химию - грош цена этому спектаклю.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру