04.04.2019 / 09:34

У Курапатах зносяць крыжы, па перыметры ставяць казённую агароджу 108

У Курапатах знеслі крыжы перыметра.

«Нагналі тэхнікі, зносяць крыжы», — паведаміў «Нашай Ніве» відавочца ўранку.

Карэспандэнтка «Нашай Нівы» стала сведкай, як ДАІ заблакавала пад’езды да Курапатаў, не дазваляла спыняцца каля рэстарана «Паедзем паядзім». Міліцыя ачапіла Курапаты па перыметры і не прапускала людзей. Трактары выцягвалі крыжы і грузілі ў машыну з нумарным знакам, абкручаным анучай. Пазней прыбылі рабочыя і прывезлі слупы, каб ставіць вакол урочышча агароджу.

Пазней афіцыйнае агенцтва БелТА паведаміла, што «ў Курапатах праходзяць планавыя работы па добраўпарадкаванні, прыбіраюцца незаконна ўстаноўленыя збудаванні ў выглядзе крыжоў».

У Курапацкім лесе у брацкіх магілах ляжаць парэшткі дзясяткаў тысяч людзей, расстраляных саветамі ў 1937—1941 гадах. З канца 1980-х людзі ставілі на брацкіх магілах і па перыметры ўрочышча крыжы. У 2018-м дзяржаўныя ўлады таксама паставілі сціплы помнік у цэнтры мемарыяла. На сваёй вялікай прэс-канферэнцыі 1 сакавіка Аляксандр Лукашэнка выказаў незадавальненне, што крыжы відаць з МКАД.

Фоты Волі Афіцэравай

8
Бел / Адказаць
04.04.2019 / 09:36
Журналісты, з'язджайцеся у Курапаты - вас абавязаны пусціць!!!
5
LitvinM / Адказаць
04.04.2019 / 09:40
Ну вось вам і падцьверджаньне. Лукашека робіць толькі тое, што дазваляе яму грамадства
6
Devil / Адказаць
04.04.2019 / 09:40
Мда...адны маты((((
Паказаць усе каментары/ 108 /
Каб пакінуць каментар, калі ласка, актывуйце JavaScript у наладах свайго браўзеру