04.04.2019 / 19:38

Сотні людзей сабраліся ў Курапатах на эмацыйную працэсію пратэсту супраць зносу крыжоў 23

Фота: Радыё Свабода.

Фота: Радыё Свабода.

Фота: Радыё Свабода.

Фота: Радыё Свабода.

Фота: Радыё Свабода.

Увечары ў чацвер у Курапатах сабралася каля 200 чалавек, каб запаліць свечкі і ушанаваць памяць ахвяраў масавых расстрэлаў. Нагадаем, сёння раніцай у Курапатах пачалі зносіць крыжы, якія ўсталёўвалі актывісты, піша Tut.by.

Фота: Яўген Ярчак, Tut.by.

Сабралася каля 200 чалавек. Хтосьці прыйшоў з кветкамі, нехта са свечкамі, хтосьці проста, каб пастаяць ля крыжоў. На ўваходзе ва ўрочышча і каля «Галгофы» дзяжураць супрацоўнікі міліцыі ў цывільным.

Фота: Яўген Ярчак, Tut.by.

З боку кальцавой дарогі на невялікім участку ўжо ўсталявалі жалезныя слупы і нацягнулі сетку — вынік сённяшніх «работ па добраўпарадкаванні».

Сярод тых, хто прыйшоў, саветнік пасла Польшчы ў Беларусі Марцін Вайцяхоўскі, актывісты Павал Белавус, Эдуард Пальчыс, Антон Матолька, палітыкі Віталь Рымашэўскі, Аляксей Янукевіч. Прадстаўнік польскай амбасады каментаваць сітуацыю ў Курапатах адмовіўся.

Прыйшоў святар Антоній Бокун і некалькі актывістаў, якія прапанавалі наступны сцэнар: спачатку праспяваць некалькі малітваў, у тым ліку «Магутны Божа» на «Галгофе», а пасля спусціцца ў той бок ўрочышча, дзе сёння пачалі ставіць плот. Там гэтак жа зачытаюць некалькі малітваў. Прысутныя хочуць зладзіць хрэсны ход.

Фота: Яўген Ярчак, Tut.by.

Зачытаўшы малітвы, людзі з песняй пачалі хрэсны ход, рухаючыся ўніз з «Галгофы». Па дарозе яны спыняюцца і чытаюць малітвы.

9
mikola ramanau / Адказаць
04.04.2019 / 19:46
Dapamazy VAM Boza !.................Zyve Belarus !
5
Танчык / Адказаць
04.04.2019 / 20:40
Значыць, трэба працягваць далей.
5
Логистик / Адказаць
04.04.2019 / 21:18
Этими людьми можно гордиться!!!!
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру