05.04.2019 / 14:21

Зісер: Лепш бы кідаліся пад машыны сілавікоў, а не наведнікаў рэстарана «Паедзем паядзім» 28

Рашэнні Аляксандра Лукашэнкі ўсё больш дыктуюцца яго перакананнямі савецкага камуніста, — мяркуе заснавальнік партала Тут.бай Юрый Зісер. — «Калі-небудзь для яго ўлады гэта скончыцца дрэнна, г.зн. яго змятуць да яго фізіялагічнай смерці», — адзначыў ён.

«Ды пакіньце ўжо ў спакоі гэты злашчасны рэстаран, — напісаў Юрый Зісер у фэйсбуку. — Не ён прасіў прэзідэнта выносіць вердыкт Курапатам 1 сакавіка. Прэзідэнт гэта зрабіў публічна ад усёй душы, будучы камуністам старой загартоўкі. (Думка, якая праскоквае дзе-нідзе, пра дагаджанне Расіі смешная.) Не ўладальнікі рэстарана аддавалі загад аб зносе. Не яны і іх людзі зносілі [крыжы ў Курапатах 4 красавіка]. Больш за тое, я цалкам упэўнены, што яго ўладальнікі не хацелі таго, што адбылося, разумеючы, што гэта, мякка кажучы, адмоўна адаб'ецца на іх бізнесе і добра, калі рэстаран пасля гэтага не разгромяць. Я не маю цёплых пачуццяў да іх і ніколі не пайду ў гэты рэстаран, але зрываць на ім наш супольны боль і абурэнне лічу заняткам, які не адпавядае злу, зробленаму ўладамі. Навошта зрываць наш супольны боль на чужых? Лепш бы раздавалі ўлёткі работнікам лясгаса і сілавікам, а не ні ў чым не вінаватым наведвальнікам рэстарана. І кідаліся пад машыны сілавікоў, а не наведвальнікаў рэстарана. Але з рэстаранам змагацца прасцей і бяспечней, чым з уладамі», — піша Зісер.

«Дрэнна ж вы ведаеце Лукашэнку, — адзначае Зісер. — Прымаючы гэтае рашэнне, ён менш за ўсё думаў пра Расію. Ён паступіў як сапраўдны савецкі камуніст, якім у душы ён ёсць. Яго асабістыя перакананні ўсё часцей адбіваюцца на прыняцці дзяржаўных рашэнняў. Дастаткова ўспомніць дэкрэт аб дармаедах або патрабаванне пабудаваць дарогу па састарэлых узорах. Калі-небудзь для яго ўлады гэта скончыцца дрэнна, г.зн. яго змятуць да яго фізіялагічнай смерці», — прагназуе Зісер.

nn.by

106
mikola ramanau / Адказаць
05.04.2019 / 13:42
Idyiot..................
175
Чеснок / Адказаць
05.04.2019 / 13:57
Все правильно сказал. Кто-то должен был произнести это не у себя на кухне. Оппозиция только позорится с этим рестораном.
Словно у них нет других, более важных дел. Вместо этог они стоят и дежурят у несчастного ресторана. Уже все что нужно было доказать вы доказали, плюньте на него пару раз, прокляните и двигайтесь дальше.
77
Pauliuk / Адказаць
05.04.2019 / 14:03
Лепш бы прамаўчаў... Можа за разумнага палічылі...
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру