05.04.2019 / 17:08

«Там ляжыць мая прабабка, расстраляная НКВД…» 5

У Курапатах зносяць крыжы. Там ляжыць мая прабабуля, расстраляная НКВД.

Гісторыя паўтараецца…

Тыя вырадкі ў 30-х прыехалі на чорных варанках, не называючыся, забралі безабаронную жанчыну, маці пяцярых дзяцей, вынеслі прысуд, не даслаўшы нават апавяшчэння сям'і, не даўшы развітацца, падзяліўшы жыццё звычайнай сялянскай сям'і на дзве часткі — да і пасля.

Да гэтага часу дзяржава не прынесла прабачэння, не пакаялася, больш за тое, старанна пакрывае злачынцаў і працягвае іх традыцыі.

Міністр МУС фатаграфуецца ў форме НКВД, бессаромныя бізнэсмены нахабна адкрываюць там рэстаран, улады гэта зацвярджаюць і ўсім ім добра.

А як жа мая прабабуля, якая ляжыць там, у спехам выкапанай яме, без усялякіх апазнавальных знакаў?

Яе няма, яе жыццё забралі злачынцы НКВД, а цяперашнія сціраюць усе сляды.

Вам падалося: нічога не было, магілы няма, памяці няма, крыжоў няма, гэта не мы, гэта немцы, гэта…

Мая бабуля ўсё дзяцінства праплакала, спадзявалася, што мама вернецца. Потым зразумела: мама не вернецца, толькі спадзявалася даведацца, дзе магіла, за што…

Ужо і бабуля памерла, а мы памятаем.

Хоць нешта ў нас зламалася. На жаль…

На фота мая бабуля Соня, якая страціла маці ў 12 гадоў.

2
Раман / Адказаць
05.04.2019 / 18:00
Жах..
33
Матёрый / Адказаць
05.04.2019 / 18:13
Сами виноваты. Помогаем ГБ и другим службам стукачеством, доносами. Или как это сейчас модно говорить "Проявлять активную гражданскую позицию". Потом обежаемся что нас на митингах дубинками.
2
Святлана / Адказаць
05.04.2019 / 19:18
Божа, Божа.... Што робіцца...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру