06.04.2019 / 17:10

Афнагель: Я прыйду на малебен за загінулых ад сталінскіх рэпрэсій і ў абарону Курапатаў 11

Актывіст кампаніі «Еўрапейская Беларусь» Яўген Афнагель паведаміў у сацыяльных сетках, што збіраецца 7 красавіка прыняць удзел у малебне за загінулых ад сталінскіх рэпрэсій і ў абарону Курапатаў.

Яўген Афнагель. Фота Радыё Свабода

«Курапаты — знакавае месца для Беларусі. Тут забітыя дзясяткі тысяч нашых продкаў. Тут пачаўся супраціў камунізму і адраджэнне незалежнасці краіны, — тлумачыць Яўген Афнагель. — Сёння Курапаты сталі яшчэ сімвалам яднання беларусаў, бо падзеі 4 красавіка абурылі не толькі грамадскіх актывістаў, але і нават прыхільнікаў дзеючай улады. Знішчэнне крыжоў асудзілі прадстаўнікі усіх хрысціянскіх канфесіяў.

«Я вырашыў прыняць удзел у малебне ў 12.00 ля Свята-Духава кафедральнага сабора Мінска. Мне, як і многім іншым, неабыякава тое, што адбылося і працягвае адбывацца ва ўрочышчы. Ужо неаднойчы менавіта ў Курапатах атрымлівалася прымусіць улады спыніцца, а, часам, і адступіць. Упэўнены, што гэта атрымаецца і зараз, калі мы не будзем маўчаць.

Афнагель перакананы, што малебен каля храма — не палітычная акцыя і не пратэст, таму на яго не патрабуецца дазвол уладаў.

42
Вікент / Адказаць
06.04.2019 / 17:29
За заборчык, калі ласка. 
7
Танчык / Адказаць
06.04.2019 / 18:20
Няможна заставацца раўнадушным, калі нявінна расстраляных людзей (чатыры праверкі пракуратуры адназначна даказалі, што гэта даваенныя пахаванні са знойдзеннымі савецкімі гільзамі) зноў лішаюць народнай памяці. Памаліцца за іх  - наш святы абавязак.
24
Чеснок / Адказаць
06.04.2019 / 19:10
Прийти может и прийдет, но упакуют как и Статкевича еще на подходе.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру