10.04.2019 / 15:39

Музычны лэйбл БМА пачынае кампанію «Узаемна!» у гонар Каліноўскага 1

Беларуская Музычная Альтэрнатыва (БМА group) у гонар Кастуся Каліноўскага пачынае кампанію UZAJEMNA!/УЗАЕМНА!

У межах кампаніі будуць ладзіцца фэсты розных музычных кірункаў (рок, метал, рэп, бардаўская музыка), плануецца збор і выданне музычнай складанкі з творамі, прысвечанымі Кастусю Каліноўскаму, а таксама выраб адмысловай сувенірнай прадукцыі.

«Нас здзіўляе, што асоба Кастуся Каліноўскага выклікае неадназначную рэакцыю ў беларускім грамадстве, а ў замежжы ставяць пад сумнеў беларускае паходжанне славутага героя», — кажуць арганізатары.

Чаму «УЗАЕМНА!»? Бо гэта вядомы пароль паўстанцаў Каліноўскага, які і на сённяшні дзень не губляе сваёй актуальнасці: 

« — Каго любіш?

— Люблю Беларусь!

— То ўзаемна!»

У межах кампаніі БМА аб’яўляе наступныя мерапрыемствы:

  • Конкурс лагатыпа/малюнка кампаніі — лога/малюнак пераможца будзе надрукаваны на ўсёй прадукцыі кампаніі (значакі, цішоткі, дыскі), а таксама на рэкламных матэрыялах (постэры, улёткі і інш).

Дэдлайн: 1 чэрвеня.

 

  • Збор музычных твораў ад рок-гуртоў і бардаў. Найлепшыя творы ўвойдуць у музычную складанку, а гуртам/бардам будзе прапанаваны выступ на тэматычным фэсце.

Дэдлайн прыёма заявак: 1 жніўня.

 

  • Збор вершаў і іншых твораў, прысвечаных Каліноўскаму. Творы будуць публікавацца на старонцы кампаніі ў сацыяльных сетках. Па дамове музычныя калектывы змогуць выбраць верш для выканання.

Дэдлайн неабмежаваны.

Інфармацыю дасылаць на скрыню uzajemna2019@gmail.com з пазнакай «Конкурс».

 

UZAJEMNA! / УЗАЕМНА! — некамерцыйная асветніцка-культурная кампанія. У бліжэйшы час будзе запушчана кампанія па збору сродкаў для рэалізацыі праекта. Ахвотныя падтрымаць ці ўзяць удзел у кампаніі могуць звязацца з арганізатарамі:

+375 (29) 649-0-888

uzajemna2019@gmail.com

0
Віталь / Адказаць
11.04.2019 / 15:25
Двлучайся!
Каб пакінуць каментар, калі ласка, актывуйце JavaScript у наладах свайго браўзеру