10.01.2009 / 22:40

Анансаваная сустрэча Лукашэнкі й Юшчанкі 2

Прэзідэнты Украіны і Беларусі могуць сустрэцца ў хуткім часе для абмеркавання шэрагу пытанняў двухбаковага супрацоўніцтва, заявіў украінскі пасол у Мінску.

Прэзідэнты Украіны і Беларусі Віктар Юшчанка і Аляксандар Лукашэнка могуць сустрэцца ў хуткім часе для абмеркавання шэрагу пытанняў двухбаковага супрацоўніцтва,
заявіў Інтэрфаксу ўкраінскі пасол у Мінску Ігар Ліхавы.

"Гэтая сустрэча ў хуткім часе адбудзецца,

таму што ў ёй ёсьць неабходнасць.
Рыхтуецца працоўны візыт ва Ўкраіну прэзідэнта Беларусі, затым будзе афіцыйны візыт. Мы рыхтуем цэлы пакет дакументаў да гэтых сустрэч", - адзначыў дыпламат.

У прыватнасці, адзначыў І.Ліхавы, гаворка ідзе аб ратыфікацыі беларускім парламентам Дамовы аб дзяржаўнай мяжы ад 1997 году.

Пры гэтым ён выказаў здагадку, што "можа быць, з часам гэтая мяжа страціць сваё значэнне, як гэта адбылося ў Еўрасаюзе".

Украінскі амбасадар таксама лічыць неабгрунтаванымі абвінавачванні Расіі ў зрыве Кіевам транзіту расійскага газу.

0
Партызан / Адказаць
11.01.2009 / 00:57
Цікава... А ва ўкраінскіх навінах аб гэтым нават і нячуваць. Знаёмыя украінскія журналісты пыталіся ва Ўкраінскім МЗС - там нічога такога няведаюць. Ды і як Прэзыдэнт Юшчанка, арынтаваны на нацыянальны ды дэмакратычны электарат Заходняе Ўкраіны, у пэрыяд крызы будзе сябе так "падстаўляць"? Здаецца амбасадар "прадукт мясцовага прыгатаваньня".
0
Scooter / Адказаць
11.01.2009 / 13:33
На колькі я памятаю, гэты візіт (Лу ва Ўкраіну) "рыхтуецца" ўжо з 2006г, як мінімум з 2007... Але ён так і не адбыўся. Цікава, чаму? Масква не дазваляе нашаму кіраўніцтву, ці сам Юшч ні хоча сябе "дыскрэдытаваць" у вачах уласнага электарату?...
Каб пакінуць каментар, калі ласка, актывуйце JavaScript у наладах свайго браўзеру