12.04.2019 / 01:19

Парашэнка і Зяленскі пасварыліся ў жывым эфіры. Зяленскі кінуў трубку ВІДЭА 37

Кандыдат у прэзідэнты Украіны Уладзімір Зяленскі не прыехаў у студыю найбуйнейшага ўкраінскага тэлеканала 1+1 на жывы эфір, у той час, як яго супернік Пятро Парашэнка туды прыйшоў. Зяленскі падчас тэлефоннага ўключэння ў жывым эфіры паведаміў, што знаходзіцца ў Францыі.

«Пятро Парашэнка выдатна ведае, што цяпер я знаходжуся ў Парыжы. Таму што яго выдатныя аўтамабілі, Служба бяспекі Украіны мяне туды суправаджалі ў аэрапорт… У мяне сустрэча заўтра, а трэцяй гадзіне дня, з прэзідэнтам Францыі», — заявіў Зяленскі.

У сваю чаргу Парашэнка абверг, што цікавіцца перасоўваннямі Зяленскага.

«Я не цікаўлюся вашымі перасоўваннямі. Гэта ваша прыватная ці дзяржаўная справа. Я сёння запрасіў на дэбаты. Калі вы зараз знаходзіцеся па-за межамі Кіева, я гэта з разуменнем успрымаю», — сказаў Парашэнка.

Парашэнка падчас тэлефоннай размовы агучыў сваю прапанову правесці дэбаты на стадыёне «Алімпійскім» у наступную нядзелю, 14 красавіка, паколькі 19 красавіка ён будзе на дэбатах на Грамадскім тэлебачанні (Суспільне телебачення), як таго патрабуе закон.

Зяленскі, у сваю чаргу, ухіліўся ад прамога адказу адносна дэбатаў 14 красавіка, заявіўшы, што яго ніхто «ў пазіцыю не ставіць», а дамоўленасць пра дэбаты 19 красавіка на стадыёне Алімпійскі застаецца ў сіле.

«А зараз скончу я. 19 чысла на НСК Алімпійскі. Кропка», — заявіў Зяленскі і кінуў трубку.

Падчас размовы кандыдаты шмат разоў перапынялі адзін аднаго.

30
Алесь2018 / Адказаць
12.04.2019 / 01:29
Есць такое ёмкае слова-быдла. Зяленскага нельга дапускаць да ўлады. Ўсім зразумела, каго ён нагадвае. Ўжо 25 год ня можам пазбавіцца.
21
Nokia / Адказаць
12.04.2019 / 01:54
Хамаваты карлік скончыць горш за Януковіча. 
169
вася чэсных / Адказаць
12.04.2019 / 02:46
Какие милые истерички) Как они собираются управлять страной, если не в состоянии спокойно поговорить по телефону?! Лукашенко - последний политик после Черчиля, выступления которого растаскивают на цитаты.
Паказаць усе каментары/ 37 /
Каб пакінуць каментар, калі ласка, актывуйце JavaScript у наладах свайго браўзеру