12.04.2019 / 16:39

У Гомелі затрымалі групу непаўналетніх наркакур'ераў 5

Супрацоўнікі ўпраўлення па наркакантролі і супрацьдзеянні гандлю людзьмі УУС Гомельскага аблвыканкама затрымалі групу рознічных кур'ераў інтэрнэт-крамы па продажы наркотыкаў з шасці чалавек.

Самы старэйшы — 1998 года нараджэння. Астатнія пяцёра — непаўналетнія. Затрыманыя двое 16-гадовых і трое 17-гадовых падлеткаў. Гэта навучэнцы прафліцэя і каледжаў Гомеля, прычым чацвёра сістэматычна спажывалі наркотыкі. Іх старэйшы таварыш нідзе афіцыйна не працаўладкаваны.

Гатовыя да продажу псіхатропы кампанія захоўвала па месцы жыхарства аднаго з падлеткаў у вёсцы Пакалюбічы Гомельскага раёна. У хляве каля дома аператыўнікі знайшлі 28 палімерных скруткаў, электронныя шалі, рэспіратары і ўпаковачны матэрыял для фасоўкі наркотыкаў. Яшчэ адна доза гэтага ж псіхатропу была выяўленая пры асабістым вобшуку аднаго з падлеткаў.

Распачатыя крымінальныя справы па частках 1 і 3 артыкула 328 Крымінальнага кодэкса (незаконны абарот наркатычных сродкаў, псіхатропных рэчываў, іх прэкурсораў і аналагаў).

3
Свободный / Адказаць
12.04.2019 / 16:53
Вот таккк вся молодь Беларуси пропадает..
0
Йа / Адказаць
12.04.2019 / 17:43
Свободный, интернета, родителей и мозгов нет - 328 и семь лет!
4
фелікс / Адказаць
12.04.2019 / 18:06
Савецкая і расейская культура.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру