Жудасныя кадры з відэарэгістратара, на якіх «Опель» на пешаходным пераходзе збівае двух чалавек, з'явіліся ў інстаграм-акаўнце @maz_107.
11 красавіка каля апоўдні на вуліцы Добрушскай у Гомелі п'яны бяспраўнік-беларус на аўто з расійскімі нумарамі збіў двух чалавек. Яго «Опель» выехаў на сустрэчную паласу на вялікай хуткасці, каб абагнаць аўтобус. Пасля сутыкнення кіроўца не спрабаваў збегчы з месца аварыі, але і не дапамагаў пацярпелым.
Аднаму з пешаходаў патрабавалася тэрміновая аперацыя. Кіроўцу затрымалі ў узялі пад варту. Пра яго таксама вядома, што ён нідзе не працуе, раней прыцягваўся да адміністрацыйнай і крымінальнай адказнасці.
0
0
0
0
0
0
