14.04.2019 / 16:18

На Лідчыне паставілі пяціметровы крыж у памяць паўстанцаў Каліноўскага 18

Гарадзенскія актывісты ўсталявалі крыж паўстанцам Кастуся Каліноўскага на кургане на Лідчыне 14 красавіка.

Крыж у вышыню складае 5,5 мэтраў, паведаміў Свабодзе гарадзенскі актывіст Вадзім Саранчукоў.

«У гэты ўікэнд у Горадні шмат цудоўных імпрэзаў: і фрымаркеты, і прэзэнтацыі, і канцэрты, і дыскусіі пра рэфармаваньне заканадаўства аб партыях. Ці думалі пра такую магчымасьць хлопцы, якіх 150 гадоў таму пахавалі вось у гэтым кургане на Лідчыне? Думаю, што не», — адзначыў у сваім допісе на Фэйсбуку Саранчукоў.

​Ён кажа, што калі ўсталёўвалі крыж, проста фізычна адчувалася ўдзячнасьць паўстанцаў за тое, што не забылі іхнюю ахвяру.

«Так, мы памятаем! І Касьцюшку, і Каліноўскага, і случакоў, і Курапаты. І гэтая памяць — сіла і гонар майго краю!», — напісаў Вадзім Саранчукоў.

7
Той самы / Адказаць
14.04.2019 / 16:24
Малайцы! Будзем спадзявацца, што мясцовыя калябаранты не возьмуць грэх на душу...
9
LitvinM / Адказаць
14.04.2019 / 16:27
Застаецца толькі гадаць - знясуць сеньня к ночы, ці ў панядзелак
64
Сторонник аккумуляторного завода / Адказаць
14.04.2019 / 16:27
Дайте точные координаты установки крыжа.
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру