14.04.2019 / 16:25

На дзённую малітву ў Курапатах сабралася 50 чалавек 2

Ва ўрочышчы Курапаты 14 красавіка прайшоў малебен у абарону народнага мэмарыялу, піша радыё «Свабода».

Паводле інфармацыі абаронцаў урочышча, 13 красавіка тут было зьнесена 24 мэталічных крыжоў, устаноўленых у 2017 годзе на грошы, сабраныя праз краўдфандынг, прадстаўнікамі грамадзкасьці. Крыжы былі зьнесеныя падчас работ па «добраўпарадкаваньні» урочышча, якія напярэдадні праводзілі прадстаўнікі БРСМ, «Белай Русі», прафсаюзаў і вэтэранскіх арганізацыяў.

Удзел у сёньняшняй малітве ўзялі каля 50 чалавек, у тым ліку прадстаўнікі ініцыятывы «За ўратаваньне мэмарыялу «Курапаты». Так, у малітве ўдзельнічалі Ганна Шапуцька, Алесь Марачкін, Ніна Багінская, Вячаслаў Сіўчык.

Службу правёў сьвятар некананічнай Беларускай аўтакефальнай праваслаўнай царквы айцец Вікенці.

За падзеямі назіралі некалькі супрацоўнікаў міліцыі ў цывільным.

2
LitvinM / Адказаць
14.04.2019 / 18:24
Здаецца Белаурсь памерла. Магчыма гэта і так. Як у нядаўняй праграме рускай Свабоды адзін з яе выступоўцаў сказаў наконт Беларусі і Лукашенкі - раптам Рыгоравіч прачнецца раніцай, а ў спальні Шуняўка з Раўковым ды й Вакульчыкам - усе Саша, мы ўжо падпісалі дамову з Пуцькінам і сталі 86 регіенам БЕЛОРУССІЯ, можаш ехаць адпачываць, цябе ня будуць чапаць разам з Міколкай.
Здаецца так і будзе напрыканцы 2022 (2023) года
1
Язафат / Адказаць
14.04.2019 / 21:23
а праваслаўныя РПЦ МП цікава, ці ўдзельнічаюць ў малітве?
Каб пакінуць каментар, калі ласка, актывуйце JavaScript у наладах свайго браўзеру