14.04.2019 / 20:39

Новы год у Тайландзе: у ДТЗ загінулі 174 чалавекі і 1728 пацярпелі

Не менш за 174 чалавекі загінулі, 1728 пацярпелі ў дарожна-транспартных здарэннях па ўсім Тайландзе за тры дні святкавання Сонгкран (аналаг Новага года), паведамляе БелТА са спасылкай на Bangkok Post.

За 72 гадзіны адбылося 1665 аварый. Усплёск аварыйнасці звязаны з масавым перамяшчэннем тайцаў па краіне падчас свята, праводзіць якое прынята ў коле родных і блізкіх.

Самымі пашыранымі прычынамі аварый сталі кіраванне ў стане алкагольнага ап'янення (38%) і значнае перавышэнне хуткасці (27,5%).

На час Сонгкрана паліцыя ўсталявала па ўсёй краіне 2036 дадатковых кантрольна-прапускных пунктаў.

Каб пакінуць каментар, калі ласка, актывуйце JavaScript у наладах свайго браўзеру