15.04.2019 / 12:39

Мінэнерга расказала аб змене тарыфаў пасля запуску БелАЭС 1

Тарыфы на электраэнергію пасля запуску Беларускай АЭС будуць залежаць у тым ліку ад дамоўленасці па цане на газ, росту тарыфаў для рэальнага сектара не чакаецца. Пра гэта паведаміў журналістам намеснік міністра энергетыкі Беларусі Міхаіл Міхадзюк сёння на форуме «Атамэкспа» у Сочы, паведмляе БелТА.

«Створана спецыяльная рабочая група, якая адпрацоўвае розныя сцэнары тарыфнай палітыкі. Мы ўжо моцна прасунуліся па тарыфнай палітыцы з мэтай павышэння прывабнасці электраэнергіі як у жыллёва-камунальнай гаспадарцы, побыце, так і па іншых напрамках. Тарыфнае меню вельмі моцна пашырылася ў гэтым годзе, і мы далей працуем «, - сказаў Міхаіл Міхадзюк.

На тарыфы будуць уплываць у тым ліку дамоўленасці па цане на газ. «Атамная энергія будзе замяшчаць толькі да 5 млрд куб.м газу. Застаецца яшчэ вялікі аб'ём электраэнергіі на газе, а прадавацца будзе мікс: атамная і газавая электраэнергія, так што многае залежыць ад таго, як складуцца цэны на газ», - растлумачыў намеснік міністра.

Спецыяльная група па тарыфах будзе працаваць пастаянна, тарыфная палітыка кожны год пераглядаецца зыходзячы з існуючых абставін. Што тычыцца магчымага росту коштаў на электраэнергію для рэальнага сектара, то Міхаіл Міхадзюк адзначыў, што такіх прагнозаў няма.

0
vovik21.12 / Адказаць
15.04.2019 / 13:52
Понижения тоже не будет! Будет увеличение. Как думаете земляки, за чей счёт станцию отбивать будут??? На этом фоне, мне смешно смотреть новости о наших достижениях, в усовершенствовании солнечных батарей.))) Кто кого развёл? Я сам отвечу: Население!!!)
Каб пакінуць каментар, калі ласка, актывуйце JavaScript у наладах свайго браўзеру