16.04.2019 / 12:27

Пажар у саборы Нотр-Дам цалкам пагасілі. Ён доўжыўся 12 гадзін

Le Monde

Пажар у саборы Нотр-Дам-дэ-Пары да цяперашняга моманту канчаткова пагашаны. Пра гэта заявіў афіцыйны прадстаўнік корпуса пажарных Парыжа Габрыэль Плюс, перадае BFMTV ў твітары. «Пажар цалкам пагашаны. Цяпер спецыялісты пачнуць праводзіць экспертызу», — адзначыў ён.

Пажар у Нотр-Дам-дэ-Пары пачаўся вечарам 15 красавіка, у выніку абрынуўся шпіль і гадзіннік сабора, згарэў практычна ўвесь дах будынка. Пры пажары, які працягваўся больш за 12 гадзін, пацярпелі двое паліцэйскіх і адзін пажарны, на месцы здарэння працавалі амаль 400 пажарных.

Каб пакінуць каментар, калі ласка, актывуйце JavaScript у наладах свайго браўзеру