16.04.2019 / 12:51

Галоўны арган Нотр-Дама ацалеў пры пажары, але, відаць, моцна пашкоджаны

pixabay.com

Галоўны арган сабора Нотр-Дам не згарэў пры пажары, але мог быць пашкоджаны моцным напорам вады пры тушэнні. Пра гэта заявіў BFMTV прадстаўнік Нотр-Дама Андрэ Фіно.

Міністр культуры Францыі Франк Рыестэр, у сваю чаргу, заявіў у эфіры France Inter, што галоўны арган, забяспечаны пяццю клавіятурамі і каля 8 тыс. труб, «выглядае так, быццам ён быў моцна пашкоджаны». Тым не менш, ён падкрэсліў, што яшчэ «рана ставіць дыягназ» музычнаму інструменту.

Па дадзеных L'Obs, пры пажары ўдалося выратаваць цярновую карону, якую, згодна з хрысціянскай традыцыі, усклалі на галаву Ісуса незадоўга да распяцця; фрагмент Жыватворнага Крыжа і цвік; туніку караля Францыі Людовіка IX Святога, якую вынеслі ў самым пачатку пажару; 16 статуй з даха сабора, якія знялі за некалькі дзён да здарэння.

Каб пакінуць каментар, калі ласка, актывуйце JavaScript у наладах свайго браўзеру